वित्तीय क्षेत्र विकासमा कोरियाबाट पाठ सिक्न सुझाव, संयुक्त लगानीमा बैंक खोल्न माग


रामराजा श्रेष्ठ
13 August, 2015 6:46 pm

 बिजखबर संबाददाता

FoneLoan-250x250
yamaha

२८ साउन,काठमाडौं । नेशनल बैंकिङ इष्टिच्यूट लिमिटेडको ‘कोरिया एण्ड इकोनोमिक डेभलपमेन्ट’ नामक अन्तक्र्रिया  सम्पन्न भएको छ ।

बिहीवार आयोजित कार्यक्रममा राजदुत च्यो याँग–जीनले दक्षिण कोरीयाको ऐतिहासीक पृष्ठभुमी, आर्थिक विकास, त्यहाँ को धार्मिक साँस्कृतिक अवस्था, आर्थिक मन्दी र कोरीया–नेपाल सम्बन्ध बारे विस्तृत रुपमा प्रकाश पारे ।

उनले कोरियाली जनताको लगनशिलताले नै दक्षिण कोरीयाको आर्थिक विकास ५० बर्षको छोटो समयमै फड्को मारेको जानकारी दिए । सो कार्यक्रममा नेपाल बैंकर्स संघका अध्यक्ष तथा यस ईन्टिच्यूट का संचालक उपेन्द्र पौडयालले नेपाल ले दक्षिण कोरीयाको आर्थिक विकास का क्रियाकलाप वाट धेरै कुराहरु सिक्नु पर्ने  बताए  । साथै  नेपालको वित्तिय क्षेत्र  दक्षिण कोरीयाको सहकार्यमा अगाडी बढन सक्ने जानकारी दिए ।

सो अवसरमा नेशनल बैंकिङ ईन्टिच्युटका प्रमुख कार्यकारी अधिकृत संजिब सुब्बाले यस कार्यक्रमबाट नेपालका वित्तिय क्षेत्रले कोरीयाली आर्थिक विकासको लागी गरीएको प्रयत्न बाट धेरै कुराहरु मार्गदर्शनको रुपमा लिन सक्ने कुरा औल्याए । साथै नेपालको वित्तिय क्षेत्रमा द.कोरीयाको सहभागीता मा संयुक्त लगानीको बैंक संचालन गर्न सकिएमा नेपालको वित्तिय क्षेत्रको विकासको लागी कोशेढुङ्गा सावीतहुन सक्ने कुरामा जोड दिए ।

कार्यक्रममा  नेपालका बैंक तथा वित्तिय संस्थाका प्रमुख कार्यकारी अधिकृतहरुको उपस्थिती थियो ।

प्रतिक्रिया दिनुहोस्