काठमाडौं । वाणिज्य बैंकहरूले निक्षेप ब्याजदर घटाउने क्रमलाई ब्रेक लगाउँदै धेरैजसो बैंकले चैतका लागि फागुनको तुलनामा यथावत व्याजदर सार्वजनिक गरेका छन् । नेपालमा सञ्चालनमा रहेका २० वाणिज्य बैंकमध्ये १७ बैंकले चैतका लागि भन्दै फागुनको तुलनामा ब्याजदर परिवर्तन नगर्ने निर्णय गरेका हुन् ।
तर, कुमारी बैंक भने अपवाद बन्यो। फागुनमा ५.९१ प्रतिशत ब्याज दिँदै आएको कुमारीले चैतमा दर बढाएर ६.०१ प्रतिशत पुर्याएको छ। अर्कोतर्फ, हिमालयन बैंक र सिटिजन्स बैंकले ब्याजदर घटाएका छन्।
नेपाल बैंकले पनि ब्याजदर ५.६ बाट ५.५ प्रतिशतमा ल्याएको छ भने हिमालयन बैंकले झन् ठूलो कटौती गर्दै ६.२५ बाट ५.५ प्रतिशतमा झारेको छ। सिटिजन्स बैंकले संस्थागत निक्षेपमा ब्याज घटाएको छ भने लक्ष्मी सनराइज बैंकले पनि ब्याजदर घटाउने निर्णय गरेको छ।
यसैबीच, वाणिज्य बैंकहरूको औसत अधिकतम ब्याजदर ५.९३ प्रतिशतमा झरेको छ, जुन फागुनको तुलनामा ०.०८ प्रतिशत बिन्दुले कम हो।
