काठमाडौं । वाणिज्य बैंकहरुले असारमा पनि निक्षेपको ब्याजदर अहिलेकै अकंमा कायम राख्ने भएका छन् । मंगलबार विहान बसेको नेपाल बैंकर्स संघको बैठकले असार महिनाका लागि पनि ब्याजदर यथावत राख्ने निर्णय गरेको हो ।
यससँगै वाणिज्य बैंकहरुले संघले गत वैशाख महिनामा तोकेको ब्याजदरलाई नै निरन्तरता दिने भएका छन् । जेठमा पनि बैंकहरुले निक्षेपको ब्याजदर चलाएका थिएनन् ।
बैंकर्स संघले बैशाख महिनामा ब्याजदर घटाएर व्यक्तिगत मुद्धति निक्षेपमा ९.९९ प्रतिशत र संस्थागत मुद्धति निक्षेपमा ७.९९ प्रतिशत ब्याजदर तोकेको थियो । यस्तै बचत खातामा भने ५.४ प्रतिशतदेखि ७.४ प्रतिशतसम्म ब्याजदर तोकेको थियो ।
वाणिज्य बैंकहरुले वैशाख १ गतेदेखि लागू हुनेगरी निक्षेपको ब्याजदर घटाउने निर्णय गरेका थिए । बैंकहरुले निक्षेपको ब्याज १.०१ प्रतिशतले घटाएर थिए । अहिले कल डिपोजिटको ब्याजदर २.७ प्रतिशत छ ।
