GBIME

सनराइज बैंकको शाखारहित बैंकिङ सेवा तनहुँको सेपाबगैँचामा, शाखारहित बैंकिङ सेवा ८० पुग्यो


बिजखबर संवाददाता
2 December, 2021 9:19 am

sunrise bank

काठमाडौं । सनराइज बैंक लिमिटेडले तनहूँ जिल्लाको भानु नगरपालिका वडा नं. ५ को सेपाबगैचामा शाखारहित बैंकिङ्ग सेवाको सुरुवात गरेको छ । सो शाखारहित बैंकिङ्ग सेवा संचालनमा आएसंगै बैंकको शाखारहित बैंकिङ्ग सेवा संख्या ८० पुगेको छ ।

Laxmi
NABIL
Yamaha

बैंकले सेपाबगैँचामा खोलेको शाखारहित बैंकिङ्ग सेवाको व्यावसायिक प्रतिनिधिका रुपमा प्रविणराज बराललाई नियुक्त गरेको छ । यसबाट बैंकिङ्ग सेवाको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखा रहित बैंकिङ्ग सेवा अन्तर्गत एटिएम कार्ड मार्फत कारोबार गर्न सकिने छ ।

साथै, यस सेवाबाट ग्राहकवर्गले निक्षेप संकलन, रकम भुक्तानी, रकम स्थानान्तरण, बिल भुक्तानी जस्ता सेवाहरु लिन सकिने बैंकले जनाएको छ । कृषि र रेमिट्यान्स प्रमुख आय स्रोत रहेको सो क्षेत्रका बासिन्दाहरुमा बैंकिङ्ग पहुँच बढाउने उद्देश्यका साथ बैंकिङ्ग सेवा सुरु गरेको बैंकले जनाएको छ ।

sarbottam

हालसम्म सनराइज बैंकले १३९ वटा शाखा, ८० वटा शाखारहित बैंकिङ्ग सेवा, १२ वटा एक्सटेन्सन काउण्टर र १५८ वटा एटिएम मार्फत आफ्ना ७ लाख भन्दा बढी ग्राहकहरुलाई सेवा प्रदान गर्दै आइरहेको छ । साथै बैंकले आफ्ना सेवाहरु विस्तार गर्ने क्रममा नेपालका अन्य स्थानहरुमा पनि बैकिङ्ग सेवा संचालन गर्दै जाने योजना रहेको जनाएको छ ।

प्रतिक्रिया दिनुहोस्

NTC
MBL