काठमाडौं । विश्वभर एयरलाइन टिकट वितरण गर्दै आएको मल्टिएयरलाईन्सले नेपालमा पनि सेवा सुरु गरेको छ ।
काठमाडौंको होटल सोल्टीमा एक कार्यक्रमको आयोजना गर्दै कम्पनीले नेपालको ट्राभल क्षेत्रमा महत्वपूर्ण प्रगतिको सङ्केतसहित उक्त सेवा सुरुवातको घोषणा गरेको हो ।
मिस नेपाल अर्थ २०२२ डा. सरिशा श्रेष्ठले आयोजना गरेको कार्यक्रममा विशिष्ट अतिथि, उद्योगका नेताहरू र ८० भन्दा बढी ट्राभल एजेन्सीहरूको उपस्थिति रहेको थियो । कार्यक्रममा नेपाल वायुसेवा निगमका कार्यकारी अध्यक्ष युवराज अधिकारीलगायत सञ्चारकर्मीहरुको सहभागिता रहेको थियो ।
यस्तै उक्त कार्यक्रममा मल्टि एयरलाइन्स र स्ट्रिम ट्राभल सर्भिसबीच सहकार्य गर्ने सम्झौतासमेत भएको छ । उक्त साझेदारी अन्तरराष्ट्रिय यात्राको लागि सहज समाधान प्रदान गरेर यात्रा सेवाहरू रूपान्तरण गर्न सेट गरिएको बताईएको छ ।
मल्टिएयरलाइन्स यसको सुरक्षित र व्यापक प्लेटफर्मको लागि प्रख्यात छ, जसले एजेन्टहरूलाई धेरै बीएसपी बजारहरूसँग जोड्दछ । २७ प्रतिशतभन्दा बढी एयरलाइनहरूमा बेजोड पहुँच प्रदान गर्दछ । प्लेटफर्मले एजेन्टहरूलाई ग्लोबल एयरलाइन सूचीहरू, स्थानीय भाडाहरू, र टिकटिङ समाधानहरू पहुँच गर्ने क्षमताको साथ सशक्त बनाउने कम्पनीले जानकारी दिएको छ । जसले गर्दा यात्रा उद्योगमा सहज लेनदेनहरू सुनिश्चित हुने गर्दछन् ।
मल्टि एयरलाइन्सका सीईओ क्लिफर्ड क्रिस्टोफर र स्ट्रिम ट्राभल सर्भिसेजका प्रबन्ध निर्देशक वैभव विक्रम राणा र कन्ट्री म्यानेजर ट्राभलपोर्ट नेपालका कन्ट्री म्यानेजर रिजवी रशिदले भेलालाई सम्बोधन गर्दै साझेदारीको लागि आफ्नो दृष्टिकोण व्यक्त गरे । मार्च २०२४ मा औपचारिक रूपमा यो सहकार्यले स्ट्रिम ट्राभल सर्भिसलाई नेपालमा मल्टिएयरलाइन्सका लागि जनरल सेल्स एजेन्टको रूपमा नियुक्त गरेको हो । साझेदारीले नेपालका अन्तरराष्ट्रिय यात्रुहरूलाई नेपालबाट उपलब्ध सस्तो, सुविधाजनक र आरामदायी यात्रा विकल्पहरू उपलब्ध गराउने लक्ष्य राखेको छ, जुन उनीहरूले दशकौंसम्म उपभोग गर्न सकेनन् ।
