GBIME

भायानेट र चाइना कम्युनीकेशन सर्भिसबीच सम्झौता, पश्चिम नेपालमा पनि इन्टरनेट सेवा विस्तार गरिने


बिजखबर संवाददाता
8 December, 2021 5:33 pm

भायानेट र चाइना कम्युनीकेशन सर्भिसबीच सम्झौता, पश्चिम नेपालमा पनि इन्टरनेट सेवा विस्तार गरिने

काठमाडौं । अब इन्टरनेट सेवाप्रदायक भायानेट कम्युनीकेसन्सले पश्चिम नेपालमा पनि आफ्नो सेवा विस्तार गर्ने भएको छ । कम्पनीले पश्चिम नेपालमा आफ्नो इन्टरनेट सेवा विस्तारका लागि चाइना कम्युनीकेशन सर्भिस (सीसीएस)नेपाल सँग साझेदारी गरेको हो ।

NLIC
LAXMI

चाइना कम्युनिकेसन सर्भिसेज चाइना टेलिकम्युनिकेसन्स कर्पोरेशनको सहायक कम्पनी हो जसले विश्वका ३० भन्दा बढी देशहरूमा दूरसञ्चार अपरेटर र सरकारी संस्थाहरूलाई दूरसञ्चार पूर्वाधार र आउटसोर्सिङ सेवाहरू उपलब्ध गराउने काममा संलग्न छ । सीसीएससँग संसारभरि अत्याधुनिक फाइबर पूर्वाधारको डिजाइन, विकास र कार्यान्वयन गर्ने अनुभव रहेको कम्पनीले जानकारी दिएको छ ।

यो साझेदारीले भायनेटलाई लुम्बिनी, कर्णाली र सुदूरपश्चिम (५,६,७) प्रदेशहरुमा द्रुत गतिमा आफ्नो उच्च गतिको फाइबर नेटवर्क निर्माण र विस्तार गर्न सहयोग गर्ने छ । यसका साथै भायनेट उत्कृष्ट डिजिटल अनुभव मार्फत आम नेपालीको जीवनलाई समृद्ध बनाउने सपना पूरा गर्न आफ्ना ग्राहकहरूलाई उच्च गतिको इन्टरनेट उपलब्ध गराउने दौरमा निरन्तर लागी परेको छ ।

भायनेट कम्युनिकेसन्सकी सीईओ सेवा पाठक बोहराले भनीन्, ‘सीसीएससँग साझेदारी गरेर, हामी पश्चिम नेपालमा हाम्रो अत्याधुनिक उच्च गतिको फाइबर नेटवर्क निर्माण गर्न अनुभवी अन्तर्राष्ट्रिय टोलीसँग काम गरिरहेका छौं । यो पश्चिम नेपालमा हाम्रा ग्राहकहरूलाई विश्वस्तरीय इन्टरनेट र डिजिटल सेवाहरू उपलब्ध गराउने हाम्रो निरन्तर प्रतिबद्धताको एक हिस्सा हो।’

भायानेटले ग्रामीण दूरसञ्चार विकास अनुदान परियोजनाअन्तर्गत डोटी, दार्चुला, डडेल्धुरा र बैतडीका दुर्गम जिल्लाहरूमा ब्रोडब्यान्ड इन्टरनेट उपलब्ध गराउने काम पनि सफलतापूर्वक सम्पन्न गरेको छ ।

प्रतिक्रिया दिनुहोस्

CIVIL
NCHL