काठमाडौं । विश्व बैंकले खोप अभियान र विदेशी पर्यटक, कामदारहरुको आप्रवाहसँगै नेपालको आर्थिक वृद्धि पनि उकालो लाग्ने बाटोमा रहको बताएको छ । सन २०२२ को आर्थिक भविष्यवाणी गर्दै विश्व बैंकले उक्त बर्ष नेपालको आर्थिक वृद्धि दर ३ दशमलव ९ प्रतिशत पुग्ने अनुमान गरेको हो । खोप अभियानमा वृद्धि, विदेशी कामदार र पर्यटकको फ्लो बढेपछि यो सम्भव हुने विश्व बैंकको प्रक्षेपण छ । यस्तै सन २०२१ मा भने भने नेपालको आर्थिक वृद्धि १ दशमलव ८ प्रतिशत पुग्ने अनुमान गरिएको छ ।
बिश्व बैंकले दक्षिण एशियाली आर्थिक फोकस प्रतिवेदन सार्वजनिक गर्दै चालु बर्षको तुलनामा आगामी बर्ष आर्थिक वृद्धिदर बढेपनि अझै पूर्वमहामारी विकास औषत भने न्युन रहेको बताएको छ ।
दक्षिण एशियाका धेरैजसो देशहरु रिकभरीको बाटोमा लम्किरहेपनि यसको अवस्था भने नाजुकै रहेको विश्व बैंकको प्रतिवेदनमा उल्लेख छ । पछिल्लो समय बढिरहेको विश्व अर्थव्यवस्था सुधार, वस्तुको मागलगायतले यहाँको जनजिवन विस्तारै सामान्य बन्दै गएको देखिन्छ । तर, नेपाली अर्थतन्त्र भने आफ्नो आर्थिक पुनर्उत्थानमा संवेदनशिल देखिएको प्रतिवेदनमा उल्ल्ेख छ । जसका कारण पछिल्लो समय नेपालले आर्थिक पुनर्उत्थानमा फड्को मारिरहेको छ ।
महामारीपछि धेरै देशहरुले संकटका बीच पुनर्उत्थानको पाठ सिकेको र बहन गरेको नेपाल, श्रीलंका र माल्दीभ्सका लागि विश्व बैंकका कन्ट्री म्यानेजर फरिस हदाद जर्भसले बताए । उनका अनुसार नेपालले हालै मात्रै ग्रिड रणनीतिको साझेदार भएसँगै हरित विकासको परिकल्पना अंगालेको छ । यसले निजी क्षेत्रलाई विभिनन क्षेत्रमा लगानी गर्न प्रेरित गर्नेछ र आर्थिक वृद्धिमा थप टेवा पुग्नेछ ।
विश्व बैंकको प्रतिवेदन अनुसार दक्षिण एशियाली मुलुकहरुमा सन २०२१ र २२ मा विकासशिल परियोजनाहरुको वृद्धि ७ दशमलव १ प्रतिशतले बढ्ने प्रक्षेपण गरिएको छ । यस्तै, दक्षिण एशियाको बार्षिक वृद्धिदर पनि २०२० देखि २३ सम्ममा औषतमा ३ दशमलव ४ प्रतिशत पुग्ने अनुमान गरिएको छ ।
अर्थतन्त्रमा ठुलो धक्का पुर्याएको कोरोना महामारीले धेरै देशहरुमा लगानी प्रवाह, आपुर्ति श्रृङ्खलालगायतमा भयावह धक्का पुर्याएको थियो । जसका कारण दक्षिण एशियाका ४ करोड ८० लाखदेखि ५ करोड ९० लाखसम्म दक्षिण एशियाली नागरिकहरु यसबाट गरिबीको रेखामुनी पुगे ।
यसपश्चात धेरै देशहरुले संकटबाट सिक्दै नयाँ तरिकाले अर्थतन्त्र अघि बढाउन सक्ने उपाय निकाल्ने अवसर पनि प्राप्त भएको विश्व बैंकले जानकारी दिएको छ ।
