नेपालको आर्थिक वृद्धिदर ०.६ प्रतिशत नै हुने विश्व बैंकको प्रक्षेपण, विश्व अर्थतन्त्र ४ प्रतिशतले बढने


बिजखबर संवाददाता
6 January, 2021 12:13 pm

world bank nepal

काठमाडौं । चालु आर्थिक वर्षमा नेपालको आर्थिक वृद्धिदर मात्र ०.६ प्रतिशत रहने विश्व बैंकले अनुमान गरेको छ । यस अघि गत चैत्रमा पनि विश्व बैंकले चालु आर्थिक बर्ष २०७७/७८ (सन् २०२०-२०२१) मा नेपालको आर्थिक वृद्धिदर ०.६ प्रतिशत नै हुने अनुमान गरेको थियो ।

FoneLoan-250x250
Yamaha
bajaj

विश्व बैंकले मंगलबार ‘ग्लोबल इकोनोमिक प्रस्पेक्ट’सार्वजनिक गर्दै विश्व अर्थतन्त्रको नयाँ प्रक्षेपण गरेको छ । विश्व बैंकले कोरोना महामारीका बीचमा पनि विश्व अर्थतन्त्र सन् २०२१ मा ४ प्रतिशतको बढ्ने उल्लेख गरेको छ । विश्व बैंकले कोरोना विरुद्धको खोपले विश्व अर्थतन्त्रमा सकारात्मक प्रभाव पर्ने अनुमान गरेको छ । 

त्यस्तै यस वर्ष अमेरिकाको -५.४ प्रतिशत वृद्धिदर हुने अनुमान रहेको छ भने यूरोपको भने ३.५ प्रतिशत वृद्धिदर हुने अनुमान विश्व बैंकले गरेको छ । त्यस्तै चीनको भने सन् २०२१ मा ७.९ प्रतिशतको आर्थिक वृद्धिदर हुने अनुमान गरिएको छ ।

नेपालमा विश्व बैंकले अघिल्लो आव २०७६/७७ (२०१९/२०) मा आर्थिक वृद्धिदर ०.२ प्रतिशत कायम रहने अनुमान गरेको छ । नेपाल सरकारले भने पछिल्लो आर्थिक बर्षको वृद्धि डर अहिलेसम्म सार्बजनिक गरेको छैन । चालु आर्थिक बर्षमा नेपालको वृद्धि डर ०.६ प्रतिशत हुने दोहोराएको छ । यद्यपी प्रधानमन्त्री ओलीले विश्वका १० धेरै आर्थिक वृद्धि दर भएका देश मध्ये नेपाल शिर्ष स्थानमा रहेको भाषण गरिरहेका छन् ।

त्यस्तै दक्षिण एशियामा भारतको आर्थिक अवस्था सबै भन्दा खराब रहने अनुमान विश्व बैंकले गरेको छ । यस आर्थिक बर्षमा भारतको आर्थिक वृद्धिदर -९.६ प्रतिशत हुने विश्व बैंकको अनुमान छ । त्यस्तै दक्षिण एशियामा भारतपछि भुटानको आर्थिक वृद्धि दर नकारात्मक हुने विश्व बैंकले अनुमान गरेको छ । भुटानको चालु आर्थिक बर्षमा -०.७ प्रतिशत वृद्धिदर हुने उल्लेख छ ।

त्यसै गरि दक्षिण एशियामा सबैभन्दा धेरै आर्थिक वृद्धिदर भने माल्दिभ्सको रहने अनुमान छ । माल्दिभ्सको ९.५ प्रतिशत आर्थिक वृद्धि दर हुने अनुमान छ । त्यस्तै श्रीलंकाको ३.३ प्रतिशत, अफगानिस्तानको २.५ प्रतिशत र बंगालदेशको चालु आर्थिक बर्षमा १.६ प्रतिशत आर्थिक वृद्धि हुने अनुमान रहेको छ । त्यस्तै पाकिस्तानको ०.५ प्रतिशत आर्थिक वृद्धिदर रहने अनुमान गरिएको छ ।

प्रतिक्रिया दिनुहोस्