काठमाडौं । राष्ट्रपति रामचन्द्र पौडेलले शुक्रबार राति संसद विघटन गरेका छन्। नवनियुक्त प्रधानमन्त्री सुशीला कार्कीको सिफारिसमा उनले वर्तमान संसद विघटन गरेका हुन् ।
शुक्रबार राति नै प्रधानमन्त्री पदमा नियुक्त भएकी कार्कीले संसद विघटनका लागि राष्ट्रपतिसमक्ष सिफारिस गर्ने पहिलो निर्णय लिएकी थिइन्। राष्ट्रपति कार्यालयका अनुसार संसद विघटन गर्ने विषयमा राष्ट्रपतिसहित प्रमुख राजनीतिक पक्षहरूबीच पूर्व सहमति भएको थियो।
प्रधानमन्त्री कार्कीलाई आगामी ६ महिनाभित्र प्रतिनिधिसभा सदस्यको निर्वाचन सम्पन्न गर्ने जिम्मेवारी तोकिएको छ। उनले शितल निवासमा पद तथा गोपनीयताको सपथ लिँदै नयाँ जनादेशका लागि निर्वाचनको तयारीलाई प्राथमिकता दिने प्रतिबद्धता व्यक्त गरेकी छन्।
राष्ट्रपति पौडेलले तोकेअनुसार नयाँ प्रतिनिधिसभा निर्वाचन आगामी फागुन २१ गते भित्र सम्पन्न गरिनेछ।
