काठमाडौं । आज अर्थ समितिको बैठक दुई दुई पटक बस्दैँछ । संघीय संसद अन्तर्गतको सो समितिको बैठक एकै दिन दुई पटक बस्न लागेको हो ।
जसअनुसार पहिलो सत्रको बैठक बिहान ११ः०० बजेवाट सुरू हुनेछ । जुन बैठकमा बैंक तथा वित्तीय संस्था सम्बन्धी ऐन, २०७३ लाई संशोधन गर्न बनेको विधेयकमा संशोधन प्रस्ताव दर्ता गर्नुहुने संशोधन प्रस्तावकर्ता प्रतिनिधिसभाका सदस्यहरूसँग छलफल गरिनेछ ।
उता दोस्रो सत्रको बैठकमा नेपाल धितोपत्र बोर्ड र नेपाल स्टक एक्सचेन्जसँग समसमायिक विषयमा छलफल गरिनेछ । जुन बैठक दिउँसो १ः०० बजे बोलाइएको छ।
संसदीय समितिमा आयोडिन नुनकाे गुणस्तर बारेमा छलफल हुने
संघीय संसद अन्तर्गतका ५ वटा समितिको बैठक बस्दैँछ । संघीय संसद सचिवालय, सिंहदरवारमा उक्त बैठक बस्नेछन् ।
जसअनुसार उद्योग तथा वाणिज्य र श्रम तथा उपभोक्ता हित समितिको बैठक दिउँसो १ः०० बजे बस्नेछ । जुन बैठकमा हाल उपभोगमा रहेको आयोडिनयुक्त नुनको गुणस्तर तथा यसको सहज र सर्वसुलभ आपूर्ति एवं वितरणका सम्बन्धमा छलफल गरिने भएको छ ।
उता, सार्वजनिक लेखा समितिको बैठकमा भने २३औं वार्षिक प्रतिवेदन उपर छलफल गर्ने र पारित गर्ने योजना रहेको छ । सो समितिको बैठक पनि दिउँसो १ः०० बजे बस्नेछ ।
साथै, विधायन व्यवस्थापन समितिको बैठकमा राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ माथि दफावार छलफल हुनेछ । सो छलफल दिउँसो १ः०० बजेबाट सुरू हुनेछ ।
कानुन, न्याय तथा मानव अधिकार समितिमा नेपाल कानुन ब्यावसायी परिषद (दोस्रो संसोधन) २०८१ को सबन्धमा कानुन ब्यावसायी परिषदसँग छलफल हुनेछ । जुन बैठक दिउँसाे १ः०० बजेवाट सुरू हुनेछ । आजै अर्थ समितिका बैठक पहिलो र दोस्रो सत्र गरी दुइ दुइ पटक बस्नेछ । बिहान ११ः०० र दिउँसाे १ः०० बजे गरी साे बैठक बस्नेछन् ।
