काठमाडौं । नेपाल उद्योग वाणिज्य महासंघको चुनावमा बस्तुगततर्फको उपाध्यक्षमा हेमराज ढकाल विजयी भएका छन् । उमेशलाल श्रेष्ठको प्यानलबाट वस्तुगततर्फतबाट उपाध्यक्ष उठेका उनले प्रतिद्वन्दीलाई पछि पार्दै जित हाँसिल गरेका हुन् ।
उनीसँगै मनिषलाल प्रधान र शकुन्तलाल हिराचनले वस्तुगततर्फको उपाध्यक्षका लागि उम्मेदवारी दिएका थिए । बुधबार भएको निर्वाचनमा ढकालले ६१ मत ल्याउँदा उनका निकटतम प्रतिस्पर्धी मनिषलाल प्रधानले ५२ मत ल्याएका छन्। तेस्रो स्थानमा रहेका शकुन्तलाल हिराचनले ७ मत प्राप्त गरेका छन्। यता वस्तुगतको सदस्यतर्फ पनि उमेशलाल श्रेष्ठ प्यानलका धेरैजसो सदस्य निर्वाचित भएका छन् ।
