Logo

GBIME

प्रधानमन्त्री दाहाल र अध्यक्ष ओलीबीच बिहानै परामर्श, कहिले होला मन्त्रिपरिषद विस्तार ?

प्रधानमन्त्री दाहाल र अध्यक्ष ओलीबीच बिहानै परामर्श, कहिले होला मन्त्रिपरिषद विस्तार ?



काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी शर्मा ओलीबीच भेटवार्ता भएको छ ।

प्रधानमन्त्री निवास बालुवाटारमा आज बिहान भएको सो भेटमा सरकार विस्तार, सभामुखको निर्वाचनलगायत विषयमा परामर्श भएको प्रधानमन्त्रीको सचिवालयले जनाएको छ । दाहाल यही पुस १० गते प्रधानमन्त्रीमा नियुक्त हुनुभएको थियो । सोही दिन उनले सानो आकारको मन्त्रिमण्डल बनाएका थिए।

आगामी माघ ५ गते प्रतिनिधिसभाको सभामुखको निर्वाचन हुँदैछ । नेपालको संविधानको धारा ९१ को उपधारा (१) मा प्रतिनिधिसभाको पहिलो बैठक प्रारम्भ भएको मितिले १५ दिनभित्र प्रतिनिधिसभाका सदस्यले आफूमध्येबाट सभामुख र उपसभामुखको निर्वाचन गर्नुपर्ने व्यवस्था गरेको छ ।

प्रतिक्रिया दिनुहोस्
NBL
NCHL