मस्को । विश्व फुटवल महासंघ (फिफा)ले आगामी दिनमा हुने विश्वकप प्रतियोगिताको टिकट बिक्री गर्ने भनी खुलेका ८ सयभन्दा बढी अनलाईन बन्द गरेको छ । फिफाको टिकट बुकिङ खुल्नु पहिले नै गैरकानूनी रूपमा टिकट बेच्ने तयारीमा रहेका ८ सय भन्दा बढी वेभसाईटहरुलाई रसिया सरकारले बन्द गरेको हो ।
विश्व फुटबलको सर्वोच्च निकाय फिफाले फुटबल प्रतियोगिताको खेल हेर्नका लागि टिकट बेच्न गैरकानूनी रूपमा बनाइएका वेबसाइटहरुलाई बन्द गरिदिएको हो ।
रसियाका ८ सय ५८ ओटा वेभसाइटहरू बन्द गरिएको समाचार स्थानीय सञ्चार माध्यमहरुले उल्लेख गरेका छन् । रसियामा आउदो जुन १४ देखि जुलाई १५ सम्म विश्वकप फुटवल प्रतियोगिता आयोजना हुन लागेको छ ।