लण्डन । बेलायती राजकुमार ह्यारीको विवाह अमेरिकी एक नायिकासँग हुने सुनिश्चित भएको छ ।
अमेरिकी महिला मेगान मार्कलसँग राजकुमार ह्यारी सन् २०१६ को जुलाई महिनादेखि प्रेम सम्बन्धमा रहँदै आएका थिए ।
राजकुमार ह्यारीले मार्कलसँग मंगनी गरेर सोमबार दुई जनाको संयुक्त फोटो समेत सार्वजनिक गरेका छन् ।
प्रेमी जोडीको रुपमा राजकुमार ह्यारी र मार्कलको फोटो गत सेप्टेम्बर महिनामा पहिलो पटक सार्वजनिक भएको थियो ।
एक विज्ञप्तीमार्फत ह्यारीले विवाह पक्का भएको बारे घोषणा गर्न पाउँदा आफूलाई खुसी लागेको र विवाहको लागि मार्कलको बाबुआमाको आशीर्वाद पनि पाएको बताएका छन् ।
उनीहरुले केही महिनापछि विवाह गर्ने भएका छन् । विवाहपछि केन्जीङ्गटन प्यालेसमा रहेको नटिङ्गम कटेजमा बस्नेछन् ।
बेलायती राजपरिवारका सदस्यहरु मध्येबाट ह्यारीले पाँचौ पालोमा राजगद्दी सम्हाल्नेछन् ÷रासस
