काठमाडौँ । दक्षिण कोरियाले युक्रेनलाई आउँदो पाँच वर्षभित्र सस्तो ब्याजमा दुई अर्ब डलर ऋण दिने सम्झौता गरेको छ । यो रकम युक्रेनको विकास र पुनर्निर्माणमा खर्च गरिने दक्षिण कोरियाले जनाएको छ ।
दक्षिण कोरियाले यसै वर्षभित्र युक्रेनलाई करिब १० करोड डलर बराबरको सहायता पठाउने बताएको छ । फेब्रुअरी २०२२ मा रुसले आक्रमण गरेपछि युक्रेन विनाशकारी युद्धमा फसेको छ । रुसी आक्रमणपछि दक्षिण कोरियाले युक्रेनलाई समर्थन गरिरहेको छ ।
