काठमाडौं । साझा यातायातले विहिबारदेखि काठमाडौं उपत्यकाको ८ रुटमा बस सञ्चालन शुरु गरेको छ । सरकारले लकडाउन खुकुलो गरेसँगै निश्चित मापदण्ड पूरा गरेर सार्वजनिक यातायात सञ्चालन गर्न पाउने सरकारको निर्णयपछि साझाले विहिबारदेखि उपत्यकाको विभिन्न रुटमा २६ वटा बस सञ्चालन गर्ने बताएको छ ।
पहिलो चरणमा २६ वटा बस सञ्चालन गर्ने र यात्रुको चाप बढ्दै गए अरू बस पनि थपिने साझा यातायातले जनाएको छ । बसमा सवार गर्ने यात्रुले अनिवार्य मास्कको प्रयोग गर्नुपर्ने र सरकारले तोकेको मापदण्ड अनिवार्य पालना गर्नुपर्ने जनाएको छ ।
साझा बस चल्ने रुट :
१) लगनखेल, रत्नपार्क, टिचिङ हुँदै नयाँ बसपार्क ।
२) लगनखेल, रत्नपार्क, टिचिङ हुँदै बूढानीलकण्ठ ।
३) गोदावरी, लगनखेल हुँदै रत्नपार्क ।
४) लामाटार, लगनखेल हुँदै रत्नपार्क ।
५) लगनखेल, सातदोबाटो, कलंकी हुँदै थानकोट ।
६) लगनखेल, नयाँ बानेश्वर, चाबहिल हुँदै नयाँ बसपार्क ।
७) रत्नपार्क, कलंकी, स्वयम्भू हुँदै बालाजु ।
८) रत्नपार्क, नयाँ बानेश्वर, कोटेश्वर हुँदै सूर्यविनायक
सरकारले गतसाता अहिलेकोको भाडा दरभन्दा ५० प्रतिशत बढी लिएर जिल्लाभित्र सार्बजनिक यातायात चलाउन दिने निर्णय गरेको थियो । तर, यातायात व्यवसायीहरुले भने लकडाउन अवधिमा कुनै राहत नदिएको र अहिले व्यवसायी मर्कामा परेकाले उनीहरुका माग सम्बोधन नगरेसम्म यातायात संचालन नगर्ने अडान लिदै आएका छन् । काठमाडौँ उपत्यकामा भने मयूर, सुन्दर यातायातले बस सेवा संचालन गरिसकेका छन् । त्यस्तै बुधबार केहि टेम्पो पनि चलेका थिए ।
