काठमाडौं । नेपालमा संचालित १४ जीवन बीमा कम्पनीहरुले चालु आर्थिक वर्ष २०८२/८३ को साउन महिनामा साढे १९ अर्ब रुपैयाँभन्दा बढी बीमाशुल्क संकलन गरेका छन् । बीमा प्राधिकरणले सार्वजनिक गरेको तथ्यांकलाई आधार मान्दा साउन महिनामा यी कम्पनीहरुले २ लाख ८४ हजार १७६ वटा नयाँ बीमा पोलिसी बिक्री हुँदै कम्पनीहरूले कुल १९ अर्ब ६५ करोड ३३ लाख रुपैयाँ बीमाशुल्क आर्जन गरेका हुन् ।
यस अवधिमा सबैभन्दा बढी नेपाल लाइफ इन्स्योरेन्स कम्पनीले ६ अर्ब १९ करोड रुपैयाँ बीमाशुल्क संकलन गरेको छ । त्यसपछि नेशनल लाइफले २ अर्ब ४१ करोड रुपैयाँ र एलआइसी नेपालले २ अर्ब ३ करोड रुपैयाँ संकलन गरेका छन् ।
प्राधिकरणका अनुसार हिमालयन लाइफले २ अर्ब २ करोड रुपैयाँ, सूर्यज्योति लाइफले १ अर्ब २४ करोड रुपैयाँ, एशियन लाइफले ९४ करोड ८६ लाख रुपैयाँ, सिटिजन लाइफले ८५ करोड ६४ लाख रुपैयाँ, सानिमा रिलायन्स लाइफले ७१ करोड ९५ लाख रुपैयाँ बीमाशुल्क संकलन गरेका छन् ।
यस्तै यसै अवधिमा आइएमई लाइफले ६७ करोड ५ लाख रुपैयाँ, प्रभु महालक्ष्मी लाइफले ६८ लाख रुपैयाँ, रिलायबल नेपाल लाइफले ५८ करोड १७ लाख रुपैयाँ, मेट लाइफले ५३ करोड ९९ लाख रुपैयाँ, राष्ट्रिय जीवन बीमा कम्पनीले ४३ करोड ३९ लाख रुपैयाँ र सन नेपाल लाइफले ३६ करोड ५२ लाख रुपैयाँ बीमाशुल्क संकलन गरेका छन् ।
