Logo

एडिबीद्वारा करिब २४ अर्ब सहुलियत ऋण स्वीकृत, विद्युत आपुर्ति तथा वितरणमा खर्च गरिने

एडिबीद्वारा करिब २४ अर्ब सहुलियत ऋण स्वीकृत, विद्युत आपुर्ति तथा वितरणमा खर्च गरिने



काठमाडौं । एशियाली विकास बैंक (एडिबी) ले नेपालको विद्युत् आपूर्ति र वितरण प्रणालीमा सुधार गर्न नेपाललाई करिब २४ अर्ब रुपैयाँ सहुलियतपूर्ण ऋण उपलब्ध गराउने भएको छ ।

नेपालस्थित एडिबीको देशीय कार्यालयका अनुसार नेपालको विद्युत् आपूर्ति क्षमता विस्तार, गुणस्तर र विश्वसनीयता सुधार, उत्पादन र भारप्रेषण केन्द्रको सुदृढीकरणका लागि उक्त रकम सहुलियत ऋणस्वरुप नेपाललाई प्रदान गर्न स्वीकृत भएको हो ।

उक्त रकम काठमाडौँ उपत्यका, भरतपुर महानगरपालिका, पोखरा उपमहानगरपालिकाका साथै प्रदेश नं २ मा विद्युत् आपूर्ति र वितरणलाई प्रभावकारी तुल्याउन खर्च गरिने छ ।

यो कार्यक्रम दक्षिण एसिया उपक्षेत्रीय आर्थिक सहायता (सासेक) अन्तर्गत जोडिएको छ।

प्रतिक्रिया दिनुहोस्
MBL