GBIME

आयल निगमले भन्यो, ‘ईन्धनको मूल्य बढेकै छैन, २०७० मा १४० रुपैयाँ पर्ने पेट्रोल हाल १३६ मा पाईन्छ’


बिजखबर संवाददाता
2 January, 2022 7:05 pm

आयल निगमले भन्यो : ‘ईन्धनको मूल्य बढेकै छैन, २०७० मा १४० रुपैयाँ पर्ने पेट्रोल हाल १३६ मा पाईन्छ'

काठमाडौं । नेपाल आयल निगमले इन्धनको मूल्य नबढेको बताएको छ । निगमका कार्यवाहक उपकार्यकारी निर्देशक नागेन्द्र शाहले २०७० सालमा बढेको जति तेलको मूल्य हाल नबढेको बताएका हुन् ।

Laxmi
NABIL
Yamaha

उनले विसं २०७० सालको फागुन महिनामा १ सय ४० रुपैयाँ प्रतिलिटर पुगेको पेट्रोलको मूल्य त्यसयता घट्दै ९८ रुपैयाँ प्रतिलिटरसम्म पुगेको बताए । ‘हालसम्म निगमले पेट्रोलको मूल्य घट्दै घट्दैन भन्ने छ,’ उनले भने, ‘हामीले २०७० सालको फागुनमा १ सय ४० रुपैयाँमा बेचेको तेल हाल १ सय ३६ रुपैयाँमा झरेको छ, यो घटेको होईन ?’

उनले २०७० यता पेट्रोलको मूल्य घट्दै प्रतिलिटर ९८ रुपैयाँसम्म पुगेको र त्यसपछि पनि बढ्दै हालसम्म १ सय ३६ रुपैयाँमात्रै पुगेको बताएका हुन् । २०७० सालदेखि यता अन्तरराष्ट्रिय बजारमा पेट्रोलको मूल्य घटबढका आधारमा नेपालमा पनि घटबढ हुने गरेको उनको भनाई छ । उनका अनुसार २०७१ सालमा पेट्रोलको मूल्य १ सय ९ रुपैयाँ पुगेको थियो । यस्तै त्यसको पछिल्लो बर्ष २०७२/७३ मा घटेर ९९ रुपैयाँ र आव २०७३/७४ मा अझ घट्दै ९८ रुपैयाँ पुगेको थियो । यस्तै आव २०७४/७५ मा अन्तरराष्ट्रिय बजारमा मूल्य बढेपछि नेपालमा पनि पेट्रोलको मूल्य बढेर १ सय १३ रुपैयाँ प्रतिलिटर पुगेको थियो । त्यसको पछिल्लो बर्ष २०७५/७६ मा पुनः मूल्य घटेर १ सय ८ रुपैयाँ, आव २०७६/७७ मा १ सय २ रुपैयाँ, २०७७/७८ मा १ सय २८ रुपैयाँ र चालु आवको ५ महिनामा १ सय ३६ रुपैयाँ पुगेको छ । यसरी हेर्दा पछिल्लो ८ बर्षमा पेट्रोलियम पदार्थको मूल्य समानान्तर रुपमा अघि बढिरहेको उनको भनाई छ ।

sarbottam

‘८ बर्षअघि १ सय ४० रुपैयाँमा बेचिरहेको तेलको मूल्य हाल १ सय ३६ रुपैयाँ मात्रै पुगेको छ,’ उनले भने, ‘मूल्य बढेकै छैन ।’
धेरैजसो वस्तुहरुको मूल्य २०७० सालयता उच्च रुपमा बढेपनि तेलको मूल्य भने अझै न्युन रहेको उनको भनाई छ । यस्तै डिजेलको मूल्य पनि सो समयमा प्रतिलिटर१ सय ९ रुपैयाँमा कारोबार भएको थियो हाल त्यसैगरी अघि बढेको उनले बताए । तर, घटेकै कुरा गर्दा पछिल्लो १० बर्षमा पेट्रोलको मूल्य प्रतिलिटर ८६ रुपैयाँ प्रतिलिटर र डिजेल प्रतिलिटर ७२ रुपैयाँसम्म पनि पुगेको उनको भनाई छ ।

नेपाल आयल निगमले गत साउनमा नै पेट्रोलमा प्रतिलिटर ११ रुपैयाँ घाटा व्यहोरेको बताएको छ । निगमले सबै शुल्क जोडेर त्यसबेला १ सय ३९ रुपैयाँमा खरिद गरेको पेट्रोल १ सय २८ रुपैयाँमा बेच्ने गरेको थियो । यस्तै सो समयमा डिजल पनि प्रतिलिटर ६ रुपैयाँ घाटामा बेचिरहेको निगमको भनाई छ । तर, निगमले मट्टितेल भने केहि नाफा खाएर बेचेपनि बर्षभरी जम्मा २ करोड रुपैयाँ मात्रै त्यसबाट पुर्ति हुने बताएको छ । यसरी हालसम्म निगमको घाटा बढ्नुमा सबैभन्दा बढि हिस्सा खाना पकाउने ग्याँसको रहेको शाह बताउँछन् । उनका अनुसार निगमले मट्टितेलबाट मात्रै नाफा कमाएपनि कुल घाटाको ७० प्रतिशत हिस्सा एलपी ग्याँसकै हुन्छ । गत साउन १ गते १ हजार ७ सय ४४ रुपैयाँमा किनेको एलपी ग्याँस १ हजार ४ सय २५ मा बेच्नुपरेको थियो । यसरी निगमले उक्त समयमा खाना पकाउने ग्याँसमार्फत प्रतिसिलिण्डर ३ सय रुपैयाँभन्दा बढि घाटा व्यहोर्नुपरेको थियो ।

प्रतिक्रिया दिनुहोस्

NTC
MBL