GBIME

चेम्बर अफ कमर्स र लर्ड बुद्ध एजुकेशन फाउण्डेशनले विद्यार्थीलाई छात्रवृत्ति दिने, सम्झौतामा हस्ताक्षर


बिजखबर संवाददाता
8 December, 2021 8:42 am

काठमाडौं । नेपाल चेम्बर अफ कमर्स र लर्ड बुद्ध एजुकेसन फाउण्डेसनले स्नातक तह बीबीएम इ बिजनेस विषयमा अध्ययनरत ४९ जना विद्यार्थीलाई छात्रवृत्ति दिने भएको छ ।

Laxmi
NABIL
Yamaha

प्रत्येक प्रदेशमा बीबीएम इ–बिजनेश पढ्न चाहने एकजना छात्रालाई पूर्ण निःशुल्क, १४ जना विद्यार्थीलाई ट्युसन फीमा शतप्रतिशत र बाँकी २८ जनालाई ५० प्रतिशत छुट दिनेगरी फाउण्डेशन र चेम्बरबीच समझदारीपत्रमा हस्ताक्षर (एमओयु) भएको हो ।

समझदारी पत्रमा चेम्बरका अध्यक्ष राजेन्द्र मल्ल र फाउण्डेसनका अध्यक्ष पंकज जलानले हस्ताक्षर गरेका छन् । चेम्बरसँगको सहकार्यमा फाउण्डेसनले स्नातक तहको पढाइमा १ करोड १७ लाख रुपैयाँ सहयोग गर्ने फाउण्डेसनका अध्यक्ष जलानल बताए । चेम्बरका अध्यक्ष मल्लले आर्थिक अवस्था कमजोर भएका विद्यार्थीलाई लक्षित गरी आर्थिक सहयोग उपलव्ध गराउने बताए । लक्षित वर्गमा सो सहयोग रकम पुगोस् भन्नेमा चेम्बर सजग रहेको मल्लको भनाइ छ ।

sarbottam


सूचना प्रविधिको विकाससँगै अबको दिनमा इ–बिजनेश शिक्षा प्रभावकारी हुने जलानले बताए । पढाइ पूरा गरेका विद्यार्थीलाई खल्ती वालेटसँगको सहकार्यमा रोजगारीसमेत उपलब्ध गराउने गरी समझदारी पत्रमा हस्ताक्षर भएको हो ।

खल्तीका प्रमुख कार्यकारी अधिकृत (सिईओ) विनय खड्काले इ–बिजनेशमा स्नातक तह पार गरेका विद्यार्थीलाई खल्तीले २ वर्षसम्म सशुल्क इन्टर्नसीप व्यवस्था गराउने बताए । समझदारीपत्र हस्ताक्षर समारोहमा चेम्बरका वरिष्ठ उपाध्यक्ष कमलेश अग्रवाल र शिक्षा समिति सभापति दीपककाजी तुलाधर पनि सहभागी थिए ।

प्रतिक्रिया दिनुहोस्

NTC
MBL