काठमाडौं । एनआईसी एशिया बैंकले आफ्ना ग्राहकलाई धुलिखेलस्थित हिमालय दृष्य रिसोर्टमा विशेष छुट प्रदान गर्ने व्यवस्था मिलाएको छ।
बैंक र रिसोर्टबीच सम्पन्न समझदारीअनुसार अब एन आई सी एशिया बैंकका ग्राहकले उक्त रिसोर्टमा खाना तथा पेय पदार्थ उपभोग गरी डिजिटल माध्यमबाट भुक्तानी गर्दा १० प्रतिशत छुट पाउनेछन्।
ग्राहकले बैंकको डेबिट कार्ड, क्रेडिट कार्ड, प्रिपेड कार्ड वा मोबैंक एपमार्फत भुक्तानी गरेमा मात्र छुटको लाभ प्राप्त गर्न सक्ने व्यवस्था गरिएको छ।
बैंकले यस सहकार्यमार्फत ग्राहकहरुलाई आकर्षक सेवा प्रदान गर्नुका साथै मुलुकमा डिजिटल भुक्तानी प्रणालीलाई प्रवद्र्धन गर्दै नगदरहित कारोबार संस्कृतिको विकासमा योगदान पुग्ने विश्वास व्यक्त गरेको छ।
