Logo

राष्ट्र बैंकले जारी गर्याे नयाँ विप्रेषण विनियमावली, अब न्युनतम चुक्तापूँजी नै १० करोड (विनियमावलीसहित)

राष्ट्र बैंकले जारी गर्याे नयाँ विप्रेषण विनियमावली, अब न्युनतम चुक्तापूँजी नै १० करोड (विनियमावलीसहित)



काठमाडौं । नेपाल राष्ट्र बैंकले नयाँ विप्रेषण विनियमावली जारी गरेको छ । शुक्रबार पुरानो भएको विप्रेषण विनियमावली २०६७ लाई खारेज गर्दै नेपाल राष्ट्र बैंकले विप्रेषण विनियमावली २०७९ जारी गरेको हो ।

नयाँ विनियमावलीमार्फत नेपाल राष्ट्र बैंकले विप्रेषण कम्पनीको न्युनतम चुक्ता पूँजी १० करोड रुपैयाँ पुर्याउनुपर्ने व्यवस्था गरेको छ । यसअघिको विनियमावलीमा रेमिट्यान्स कम्पनीहरुलाई विभिन्न ३ तहमा गर्गिकरण गर्दै २ करोड, १० करोड र २५ करोड रुपैयाँ चुक्ता पूँजी पुर्याए हुने व्यवस्था थियो । तर, अब भने राष्ट्र बैंकले विप्रेषण कम्पनीहरुलाई २ तहमा विभाजन गर्दै न्युनतम १० करोड र २५ करोड रुपैयाँ पुर्याउनुपर्ने व्यवस्था गरेको हो ।

यस्तै राष्ट्र बैंकले विप्रेषण कम्पनीलाई न्युनतम चुक्ता पुँजी पुर्याउन २०८५ असार मसान्तसम्मको समयावधि दिएको छ । जसअनुसार विप्रेषण कम्पनीले २०८१ असार मसान्तभित्र न्यूनतम ३ करोड, २०८२ असार मसान्तभित्र न्यूनतम ४ करोड, २०८३ असार मसान्तभित्र न्यूनतम ६ करोड, २०८४ असार मसान्तभित्र न्यूनतम ८ करोड र २०८५ असार मसान्तभित्र न्यूनतम १० करोड रुपैयाँ चुक्ता पूँजी पुर्याउनुपर्नेछ ।

प्रतिक्रिया दिनुहोस्
MBL
NTC