GBIME

एनसीसी बैंकले ल्यायो नयाँ मुद्दती निक्षेप योजना, साढे २१ बर्षमा १० गुणा रकम फिर्ता पाईने


बिजखबर संवाददाता
22 July, 2022 12:10 pm

एनसीसी बैंकले ल्यायो नयाँ मुद्धति निक्षेप योजना, साढे २१ बर्षमा १० गुणा रकम फिर्ता पाईने

काठमाडौं । नेपाल क्रेडिट एण्ड कमर्स (एनसीसी) बैंकले ‘एनसीसी प्रफुल्ल मुद्दती खाता’ योजना संचालनमा ल्याएको छ । उक्त मुद्दती योजनामा बचतकर्ताले बचत रकमको १० गुणासम्म रकम पाउन बैंकले जानकारी दिएको छ ।

NLIC
Lamxi_bank

सीमित अवधिसम्म लागु हुने उक्त योजनामा व्यक्तिगत बचतकर्ताले ६ वर्ष ४ महिना २५ दिन देखि २१ वर्ष ६ महिना २८ दिनसम्म बचत गर्न सक्ने भएका छन ।

यस्तै संस्थागत बचतकर्ताले ७ वर्ष १ महिना १२ दिन देखि २४ वर्ष ११ महिना २ दिनसम्म मुद्दती खातामा रकम जम्मा गर्न सक्नेछन । उक्त योजनामा बचतकर्ताले रकम जम्मा गरेअनुसार दोब्बर देखि १० गुणासम्म निक्षेप रकम फिर्ता पाउने बैंकले जानकारी दिएको छ ।

व्यक्तिगत बचतकर्ताले बचत रकमको ६ वर्ष ४ महिना २५ दिनमा २ गुणा, १० वर्ष १ महिना २८ दिनमा ३ गुणा, १५ वर्ष ११ दिनमा ५ गुणा र २१ वर्ष ६ महिना २८ दिनमा १० गुणा रकम पाउने भएका छन । यस्तै संस्थागततर्फ बचतगदा बचतकर्ताले बचत रकमको ७ वर्ष १ महिना १२ दिनमा २ गुणा, ११ वर्ष ५ महिना २० दिनमा ३ गुणा, १७ वर्ष २२ दिनमा ५ गुणा र २४ वर्ष ११ महिना २ दिनमा १० गुणा रकम पाउने बैंकले उल्लेख गरेको छ ।

यसका साथै बैंकले बचतकर्ताका लागि दुर्घटना बीमा मार्फत पहिलो वर्षको लागि ५ लाख रुपैयाँसम्म र घातक रोग बीमाका लागि २ लाख रुपैयाँसम्मको सुविधा हुने बैंकले जानकारी दिएको छ ।

देशभर ७ वटै प्रदेशमा शाखा रहको उक्त बैंकले विश्वासिलो बैकिङ सेवा प्रवाह गर्नुका साथै सामाजिक कार्यहरुमा पनि सक्रीय रुपमा सहभागी हुँदै आएको छ ।

प्रतिक्रिया दिनुहोस्

CIVIL
NCHL