काठमाडौं । सर्वोच्च अदालतबाट पुनर्बहाली भएसँगै नेपाल राष्ट्र बैंकका गभर्नर महाप्रसाद अधिकारीले आफ्नो कार्यभार सम्हालेका छन् । राष्ट्र बैंकमा आज एक कार्यक्रमकाबीच उनले आफ्नो कार्यभार सम्हालेका हुन् ।
सर्वोच्चले आफ्नो पक्षमा अन्तकालिन अन्तरिम आदेश दिएसँगै यसले राष्ट्र बैंक माथिको स्वायत्तता जोगिएको बताएका छन् । ‘अहिले भएको आक्रमण म (महाप्रसाद अधिकारी) माथि भन्दा पनि नेपाल राष्ट्र बैंक माथि गरिएको आक्रमण हो,’ पुनर्बहाली पछि पदभार सम्हाल्दै उनले भने ।
साथे उनले राष्ट्र बैंकको गभर्नर सरकारको सल्लाहकार भएको र अबका दिनमा पनि सरकारलाई आवश्यक रायसल्ला दिएर सँगै मिलेर काम गर्ने बताए ।
