काठमाडौं । अर्थ मन्त्रालयले बजेटको ७२ नम्बर बुँदा सच्याएको छ । आईतबार बजेट प्रस्तुत गर्दा मासिक १० करोड रुपैयाँ बराबरको विजुली खपत गर्ने उद्योगलाई विद्युत महशुलमा १५ प्रतिशतसम्म छुट दिने उल्लेख थियो ।
मन्त्रालयले उक्त बुँदामा टाईप मिस्टेकका कारण बार्षिक हुनुपर्ने ठाउँमा मासिक भएको जानकारी दिएको छ । अब यो बुँदालाई सच्याउँदै मन्त्तालयले बार्षिक १० करोड रुपैयाँ बराबरको विजुली खपत गर्नेलाई १५ प्रतिशतसम्म छुट दिने बताएको हो ।
सरकारले उत्पादन र निकासीको आधारमा कार्यबिधी बनाएर २ देखि १५ प्रतिशतसम्म छुट दिने तयारी गरेको छ ।
