काठमाडौं । नेपाली बजारमा सुनको मूल्य प्रतितोला २ लाख रुपैयाँ नाघेको छ । नेपाल सुनचाँदी व्यवसायी महासंघका अनुसार शुक्रबार एकैदिन प्रतितोला १ हजार रुपैयाँले बढ्दै आज सुनको मूल्य २ लाख ६ सय रुपैयाँ कायम भएको हो । यो हालसम्मकै उच्च मूल्य हो ।

यस्तै आज चाँदीको मूल्य पनि प्रतितोला ५ रुपैयाँले बढ्दै २३ सय ६० रुपैयाँ कायम भएको छ । यसअघि बिहीबार नेपाली बजारमा चाँदी प्रतितोला २३ सय ५५ रुपैयाँमा कारोबार भईरहेको थियो ।