बिजखबर संवाददाता
२५ मंसिर, काठमाडौं । नेपालले चीनसँग द्विपक्षीय व्यापार सम्झौता (विप्पा)का लागि परराष्ट्रमन्त्रालय मार्फत् चीन सरकारलाई पत्राचार गरेको छ ।
उद्योगमन्त्रालयका सह–सचिव महेश्वर न्यौपानेका अनुसार चीन सरकारले २०६८ साल मंसिरमा विप्पाका लागि ड्राफ्ट पठाइएको छ । चीन सरकारले पठाएको सो ड्राफ्ट विभिन्न मन्त्रालयबीच आन्तरिक छलफल भएपछि उद्योगमन्त्री महेश बस्नेतले सदर गरेर परराष्ट्रमन्त्रालय मार्फत् आज चीन पठाइएको छ ।
यसअघि नेपालसँग वेलायत, फिनल्याण्ड, मोरिसस, भारत लगायत ६ वटा देशसँग द्विपक्षीय व्यापार सम्झौता (विप्पा) भएको छ । ‘हालसालै भारतसँग गरिएको विप्पा मोडेलमा चीन सरकारले पठाएको ड्राफ्टलाई परिमार्जन गरि पठाएका छौँ,’ सह–सचिव न्यौपानेले भने, ‘चीनबाट के कस्तो प्रतिक्रिया आउछ त्यस बमोजिम अन्य प्रक्रिया अघि बढ्नेछ ।’
