बिजखबर संवाददाता
१५ चैत,काठमाडौं । साताको पहिलो दिन आइतवार नेप्से बजार करिव स्थिर रहेको छ । आइतवार नेप्से परिसुचक ० दशमलव १ अंकले घटेर ९ सय ४२ अंकमा पुगेको छ ।
सो दिन होटल समुहको परिसुचक २२ दशमलव ६८ अंकले सबैभन्दा बढी बढेको छ भने बैंकिङ समुहको परिसुचक सवैभन्दा बढी २ दशमलव ६१ अंकले घटेको छ । त्यस्तै विकास बैंक २ दशमलव ०५, जलविद्युत १ दशमलव २४ र फाइनान्स समुहको सुचक १ दशमलव ६५ अंकले ओरालो लागेको छ ।
यता बीमा तथा अन्य समुहको परिसुचक भने ११ दशमलव १२ र ९ दशमलव ४ अंकले उकालो लागेको छ । आइतवार सेयर बजारमा १२ करोड ५१ लाख रुपैयाँको कारोवार भएको छ ।
१ सय २० कम्पनीको ३ लाख ११ हजार कित्ता सेयर किनवेच भएको छ ।
