बैंकिङ समुह ओरालो लागेपछि ११ अंकले घट्यो नेप्से, कारोवार रकम पनि बढेन
22 February, 2015 3:40 pm
बिजखबर संवाददाता
१० फागुन, काठमाडौं । साताको पहिलो दिन नेप्से परिसुचक दोहोरो अंकले घटेको छ । बजार खुलेदेखि ओरोला लागेको नेप्से परिसुचक ११ दशमलव १८ अंकले घटेको छ । ९ सय ८२ अंकबाट घट्न थालेको नेप्से परिसुचक अन्तमा ९ सय ७१ अंकमा आएर अडिएको छ ।
आइतबार सवैभन्दा बढी जलविद्युत् समुहको परिसुचक ओरोला लगेको छ । सो समुहको परिसुच ३७ दशमलव ८८ अंकले आरालो लागेको छ । त्यस्तैगरी बजारमा प्रभाव पार्ने बैंकिङक समुहको परिसुचक पनि उच्च रुपमा घटेको छ । बैंकिङ समुहको परिसुचक १२ दशमलवग २१ अंकले घटेपछि समग्र नेप्से परिसुचक पनि ओरालो लागेको हो ।
बजारमा होटल समुहको परिसुचक पनि २३ दशमलव ८१ अंकले घटेको छ । आइतबार उत्पादनमुलक समुहको परिसुचक वाहेक अन्य सवै समुहका परिसुचक ओरालो लागेको छ ।
कारोवार रकममा पनि बृद्धि हुन सकेन । आइतबार बजारमा कुल २७ लाख ४५ लाख रुपैयाँ बरावरको ६ लाख ३१ हजार कित्ता सेयर कारोवार भएको छ । दिनभर कुल १ सय ४४ वटा कम्पनीको सेयर कारोवार भएको छ ।
