काठमाडौं । नेपालमा टिभीएस ब्राण्डको टिभिएस स्ट्राइकर १२५ सार्वजनिक गरिएको छ । नेपालमा टिभिएसको एकमात्र आधिकारिक वितरक जगदम्बा मोटर्सद्वारा ‘टिभीएस ग्रेट ग्राण्ड एक्सचेञ्ज एण्ड फाइनान्स मेला’मा उक्त उत्पादन सार्वज्जनिक गरेको हो । जेठ ७ देखि १२ गतेसम्म चल्ने मेलामा पुराना मोटरसाइकल वा स्कुटरहरूको साटासाट गरी नयाँ टिभीएस सवारीहरू घर लैजान सकिने व्यवस्था मिलाइएको छ। यस विशेष अवसरमा विभिन्न आकर्षक अफरहरू र मनोरञ्जनात्मक कार्यक्रमहरूको मजा लिन सकिनेछ।
मेलाको अवधिभर साटिने सवारीका लागि न्यूनतम रु। ३०,००० मूल्याङ्कन प्रदान गरिनेछ। ५० भन्दा बढी रीकन्डिसन हाउसहरूको सहभागितामा उच्चतम मूल्याङ्कन सुनिश्चित गरिनेछ। रु। ८,००० सम्मको नगद छुट, थप मूल्याङ्कन सुविधाहरू, साथै शुन्य ब्याजदरमा ९नियम तथा सर्त लागू हुने० सवारी किन्ने व्यवस्था पनि उपलब्ध गराइएको छ नयाँ सवारी खरिद गर्ने ग्राहकहरूलाई हेल्मेट, झोला, बाइक कभर र रेनकोट जस्ता आवश्यक एसेसोरिज निःशुल्क प्रदान गरिनेछ।
मेलामा टिभीएसका विभिन्न सेग्मेन्टका मोडेलहरू प्रदर्शित गरिनेछन्। प्रिमियम सेग्मेन्टमा टिभीएस रोनिन र टिभीएस अपाचे सिरिजका बाइक्सहरू समावेश गरिनेछन्। कम्युटर सेग्मेन्टमा टिभीएस रेडर, टिभीएस रेडियन, र टिभीएस स्ट्राइकर १२५ प्रस्तुत गरिनेछ। स्कुटर सेग्मेन्टमा लोकप्रिय टिभीएस एनटर्क देख्न सकिनेछ भने, इलेक्ट्रिक सेग्मेन्टमा पूर्णरूपमा विद्युतीय टिभीएस आईक्युब इलेक्ट्रिक समेत अवलोकन गर्न सकिनेछ। यी मोडेलहरू विभिन्न प्रयोगकर्ता आवश्यकतालाई ध्यानमा राखी प्रस्तुत गरिनेछन्।
रमाइलो कार्यक्रमको रुपमा, आगन्तुकहरूले लाइभ ब्यान्डको प्रस्तुति, स्टन्ट शो, टेस्ट राइड, विभिन्न खेलहरू, वातानुकूलित प्रदर्शनी हल, सौन्दर्य ब्रान्डहरूको प्रदर्शनी, स्वादिलो परिकारहरूको फूड स्टल र बालबालिकाका लागि खेलकुद, चित्र कोर्ने अवसर, र रमाइलो गतिविधिहरू रहेको विशेष बालमैत्री क्षेत्रको अनुभव लिन सकिनेछ। मेलाले सम्पूर्ण परिवारलाई लक्षित गर्दै रमाइलो वातावरणमा पूर्ण मनोरञ्जन प्रदान गर्ने उद्देश्य राखिएको छ।
सवारी अद्यावधिक गर्न चाहने, नयाँ टिभीएस मोडेलबारे बुझ्न इच्छुक, वा केवल रमाइलो अनुभव लिन चाहने सबैजनालाई टिभीएस ग्रेट ग्राण्ड एक्सचेञ्ज एण्ड फाइनान्स मेलामा सहभागी हुन आमन्त्रित गरिन्छ। मेला यही जेठ ७ देखि १२ गतेसम्म भृकुटीमण्डप, काठमाडौंमा आयोजना गरिनेछ।
