साताको अन्तिम दिन नेप्से सामान्य बढ्यो, कारोवार रकम पनि आधाले घट्यो


रामराजा श्रेष्ठ
1 January, 2015 9:47 am

bizkhabar.com

बिजखबर संवाददाता

FoneLoan-250x250
Yamaha_250X250

१७ पुस, काठमाडौं । विहीबार नेप्से परिसुचक सामान्य रुपमा बढेको छ । बजार खुलेपछि केहि समय ६ अंकले बढेको नेप्से अन्तमा १ दशमलव ३५ अंकले मात्र बढेको छ । नेप्से परिसुचक ९ सय ३ दशमलव ६८ विन्दुमा पुगेर अडिएको छ ।

विहीबार बजारमा सवैभन्दा बढी बीमा समुहको परिसुचक ९ दशमलव ९२ अंकले बढेको छ । यस्तै बैंकिङ समुहको परिसुचक पनि ४ दशमलव ६ अंककले बढेको छ । यसैगरी, विकास बैंक र फाइनान्स समुहको परिसुचक पनि सामान्य रुपमा बढेका छन् ।

बजारमा जलविद्युत् समुहको परिसुचक भने ७ दशमलव ६ अंकले ओरालो लागेको छ । यस्तै, अन्य समुहको परिसुचक १५ दशमलव २७ अंकले ओरालो लागेको छ भने होटल समुहको परिसुचक पनि ओरालो लागेको छ ।

विहीबार बजारमा सेयर कारोवार रकम पनि उल्लेख्य घटेको छ । दिनभार कुल १७ करोड ७० लाख रुपैयाँ बरावरको ५ लाख ४१ हजार कित्ता सेयर मात्र कारोवार भएको थियो । तर, बुधबार कुल ३६ करोड ५० लाख रुपैयाँ बरावरको १० लाख ६३ हजार कित्ता सेयर कारोवार भएको थियो ।

प्रतिक्रिया दिनुहोस्