GBIME

बजारमा पेनिक सेल आउँदा ७१ अङ्कले घट्यो नेप्से, १८ कम्पनीका लगानीकर्ताले कमाउँदा १७८ कम्पनीकाले गुमाए


बिजखबर संवाददाता
21 June, 2021 3:45 pm

nepse

काठमाडौं । ठूला खेलाडी बाहिरिएसँगै दबाबमा परेको सेयर बजारमा सोमबार ७१ अङ्कको गिरावट आएको छ । राष्ट्र बैंकको निर्देशन अनुरूप बैंक तथा वित्तीय संस्थालाई सर्टटर्मका लागि सेयर बजारमा लगानी गर्न समस्या उत्पन्न भएको र त्यसैलाई आधार बनाएर केही चलाख ठूला लगानीकर्ताहरू पनि तत्कालका लागि बाहिरिएका कारण बजारमा पेनिक सेल आएको सम्बद्ध लगानीकर्ताहरू बताउँछन् । 

Bajaj
Nabil
Yamaha

राष्ट्र बैंकको सर्कुलर आउनुभन्दा अघिसम्म बैंक तथा वित्तीय संस्थाहरूले नै ट्रेडरको काम गर्दै आएका कारण बजार उच्च गतिमा बढ्न पुगेको थियो । तर पछिल्लो समय नियामक निकाय नेपाल धितोपत्र बोर्डले पनि ५१ कम्पनीको नाम सार्वजनिक गर्दै इन्साईडर ट्रेडिङ र सकुर्लर ट्रेडिङको छानविनलाई अघि बढाएको र बैंक तथा वित्तीय संस्थालाई पनि सर्टटर्म कारोबारमा रोक लगाएका कारण बजारमा उच्च गिरावट आएको सम्बद्ध लगानीकर्ताहरू बताउँछन् । 

बजारमा पेनिक सेल आएकै कारण सोमबार बजार थालेदेखिनै ओरालो लागेको नेप्से परिसुचक अन्तमा ७१.०६ अंकले घट्न पुगेको छ । जसमा १७८ कम्पनीको सेयर मूल्य घट्न पुगेको छ । तर घट्दो बजारमा पनि १७ कम्पनी सेयर मूल्य भने बढ्न पुगेको छ । सोमबार दिनभर ११ अर्ब ६१ करोड रुपैयाँ बराबरको २ लाख २५ हजार कित्ता सेयर खरिदबिक्री भएको छ । 

sarbottam

बजारमा सबै समुहका परिसुचक घट्न पुगेका छन् । जसमा जीवन बीमा समुहको परिसुचक ४५१ अंकले घट्दा निर्जीवन बीमा समुहको परिसुचक ४२५ अङ्कले ओरालो लागेको छ । यसैगरी बजारमा सबैभन्दा बढि प्रभुत्व रहेको बैंकिङ समुहको परिसूचकमा पनि ३४ अंकको गिरावट आएको छ । यसैगरी विकास बैंक २१०, होटल तथा पर्यटन १६५, जलविद्युत १५०, फाइनान्स १२०, उत्पादनमूलक १७१ ले अङ्कले घट्न पुगेको छ । 
 

प्रतिक्रिया दिनुहोस्

Nepal_telecom