सिएमसीले छोडेको १० महिना पछि सिनो हाईड्रोसँग सम्झौता गर्दै मेलम्ची, भदौ अन्तिमबाट काम सुरु

काठमाडौं । इटालिएन कम्पनी सिएमसीले छोडेको करिब १० महिना पछि मेलम्ची खानेपानी आयोजनाले नयाँ ठेकेदार पाएको छ । आयोजनाका अनुसार करिब ९५ प्रतिशत भौतिक निर्माण कार्य सम्पन्न भए पनि बाँकी काम गर्न भने चिनियाँ कम्पनी सिनो हाईड्रोसँग यही भदौ २ गते सम्झौता गर्ने तयारी भईरहेको छ ।

आयोजनाले ठेकेदार कम्पनीलाई आशय पत्र पठाईसकेको र उक्त आशय पत्रको समय भदौ १ गते समाप्तीसँगै सम्झौताको तयारी भईरहेको आयोजना प्रमुख सुर्यराज कंडेलले जानकारी दिउका छन । आयोजनाले सुरुङमार्ग फिनिसिङ र हेडवर्कस निर्माणको जिम्मा चिनियाँ कम्पनी सिनो हाईड्रोलाई दिएको हो । कंडेलका अनुसार चिनियाँ कम्पनीले आयोजनाको इस्टिमेटभन्दा करिव २५ प्रतिशतमा तल ठेक्का हालेको थियो ।

Bajaj Pulsar Bizkhabar
Suzuki SPresso
Nepaltop Water Tank Sab Thik Thak Bizkhabar TWS

कंडेलका अनुसार आयोजनाको सम्पूर्ण भौतिक निर्माणको काम ९५ प्रतिशत मात्रै भए पनि पानी संचालन गर्ने कार्यको भने ९७ प्रतिशत काम भएको छ । उनका अनुसार चिनियाँ ठेकेदारले भदौको तेस्रो हप्तादेखीनै काम सुरु गर्ने भएको छ ।

विगतमा जस्तो आयोजनामा कुनै दुर्घटना नभए चालु आर्थिक बर्ष भित्रै उक्त आयोजनाको काम सम्पन्न गरी काठमाडौंबासीलाई मेलम्चीको पानी वितरण गर्न सकिने आयोजना प्रमुख कंडेलले बिजखबरलाई जानकारी दिएका छन ।

हेडवक्र्सका लागि करिव १ अर्ब १२ करोड रुपैयाँ र सुरुङमार्गका लागि ९५ करोड रुपैयाँ लाग्ने अनुमान छ । यस अघि दशैं पछि मात्रै काम सुरु गर्ने भनिएको आयोजनाले भदौको अन्तिमशाताबाटै काम थाल्ने गरी प्रकृयालाई अगाडी बढाएको छ । कंडेलले भने, ‘आशा गरौं विगतमा जस्तो कुनै दुर्घटना नहोस काठमाडौबासीलाई काकाकुल झैं बनाएर राख्ने हाम्रो चाहा होईन ।’

चिनियाँ ठेकेदार सिनो हाईड्रोले काम थालेको १२ महिनामा सुरुङमार्ग फिनिसिङ र १५ महिनामा हेडवक्र्स तयार पार्नुपर्नेछ ।


फेसबूक कमेन्ट गर्नुहोस्

DMCA.com Protection Status