काठमाडौं । निषेधाज्ञाको दोस्रो दिन सरकारले निषेधाज्ञा अझ कडा गर्ने नीति लिएपछि काठमाडौं उपत्यका सुनसान छ । उपत्यकाको शहरी क्षेत्रमा अत्यावश्यक बाहेकको सवारी साधन सञ्चालन भएको छैन । मानिसहरुको आवतजावत पनि निकै कम छ ।
निषेधाज्ञाले तीजको रौनक देखिएको छैन । मानिसहरु घर घरमै र सीमित समुदायमा मात्र तीज मनाइरहेका छन् । सरकारले विना काम सडकमा देखिनेलाई कारबाही गर्ने नीति लिएपछि आवागमन ठप्पप्रायः भएको हो ।
सवारी साधन पनि विरलै देखिएका छन् । उपत्यकामा अत्यावश्यक सेवाका पसलहरु विहान मात्र खुलेका थिए भने मानिसहरु घरभित्रै रहेका छन् ।
कोरोना भाइरसको रोकथामका लागि सरकारले कडा नीति लिएको छ । सरकारले ४ भाद्रबाट १० भाद्रसम्म उपत्यकाभित्र निषेधाज्ञा जारी गरेको छ । उपत्यकामा कोरोना भाइरसका संक्रमित बढ्न थालेपछि निषेधाज्ञा जारी गरेको हो ।
