Logo

GBIME

अर्थमन्त्री पछि राष्ट्र बैंकप्रतिको गुनासो लिएर प्रधानमन्त्रीकहाँ पुग्यो महासंघ, समस्या समाधानमा पहल गरिदिने आश्वासन

अर्थमन्त्री पछि राष्ट्र बैंकप्रतिको गुनासो लिएर प्रधानमन्त्रीकहाँ पुग्यो महासंघ, समस्या समाधानमा पहल गरिदिने आश्वासन



काठमाडौं । नेपाल उद्योग वाणिज्य महासंघले मुलुकको अर्थतन्त्रमा देखिएका समस्या समाधानका लागि आवश्यक पहल गरिदन प्रधानमन्त्री शेरबहादुर देउवालाई आग्रह गरेका छन् । महासंघका अध्यक्ष शेखर गोल्छाको नेतृत्वमा गएको महासंघ टोलीले बालुवाटारमा प्रधानमन्त्री देउवालाई भेटेर अहिले अर्थतन्त्रमा देखिएका समस्या समाधान गरिदिन आग्रह गरेको हो ।

यसअघि महासंघले अर्थमन्त्री लगायत शीर्ष नेताहरूसँगको भेटवार्तामा प्रतिनिधिमण्डलले अर्थतन्त्रमा वहुुआयामिक असर परेको र नेपाल राष्ट्र बैंकले ल्याएको चालु आर्थिक बर्षको मौद्रिक नीतिको प्रथम त्रैमासिक समिक्षाले समेत विद्यमान समस्या सम्बोधन गर्न नसकेको भन्दै समस्या समाधानमा सहयोग र समन्वय गरिदिन आग्रह गरेको थियो । तर पछिल्लो समय महासंघले धेरै निकायलाइ भेट्दा पनि समस्या समाधान नभएपछि अन्तत प्रधानमन्त्री नै गुहार्न पुगेको छ ।

साथै भेटमा अध्यक्ष गोल्छाले अर्थतन्त्रको संवेदनशीलता बुुझिदिन प्रधानमन्त्री लगायत सम्बद्ध पक्षलाइ आग्रह गरेका छन् । राजस्वले साधारण खर्च समेत धान्न नसक्ने अवस्था आएको भन्दै मुल्यवृद्धि सात बर्षयताकै उच्च रहेको र अर्थतन्त्रलाई चलायमान बनाउने निजी क्षेत्रनै संकुचित हुदै गएकोतर्फ महासंघले ध्यानाकर्षण गराएको छ ।

महासंघ प्रतिनिमण्डलसँगको भेटमा प्रधानमन्त्री देउवाले मुलुकको अर्थतन्त्रमा देखिएका समस्या समाधानका लागि आवश्यक पहल गर्ने आश्वासन दिएका छन् । साथै प्रधानमन्त्री देउवाले अर्थमन्त्रालय र राष्ट्र बैंकसँग छलफल गरि समाधान निकाल्ने बताए । साथै अर्थतन्त्रको विषयको विषयमा निजी क्षेत्र सहित सबैलाई बोलाएर समस्या समाधानमा आफुले नेतृत्व लिने प्रतिवद्धता समेत प्रधानमन्त्री देउवाले दिएका छन् ।

शीर्ष नेतृत्वहरूसंग भेटघाटको क्रममा महासंघ प्रतिनिधिमण्डलले यसअघि आइतबारमात्र नेपाल कम्युनिष्ट पार्टी (एमाले) का अध्यक्ष केपी शर्मा ओली र नेपाल कम्युनिष्ट पार्टी (माओवादी) का अध्यक्ष पुुष्पकमल दाहाल (प्रचण्ड) संग छुट्छुट्ै भेटगरी मुलुकको अर्थतन्त्र जोखिमोन्मुख रहेकाले जोगाउन आग्रह गरेको थियो ।

यस्तै शुक्रबार अर्थमन्त्री जनार्दन शर्मासँग भेट गरेको महासंघ प्रतिनिधिमण्डलले सोमबार अपरान्ह उद्योग वाणिज्य तथा आपूर्ति मन्त्री दिलेन्द्र प्रसाद वडुको पनि ध्यानाकर्षण गराएको छ ।

प्रतिक्रिया दिनुहोस्
NBL
NCHL