GBIME

हाइब्रिड किया सोरेन्टो एसयुभी अब नेपालमा, यस्ता छन् विशेषताहरु


बिजखबर संवाददाता
24 January, 2022 1:49 pm

Kia-Sorento

काठमाडौं । कियाले नेपालमा आफ्नै ब्रान्डको पहिलो हाइब्रिड किया सोरेन्टो एसयुभी सार्वजनिक गरेको छ । किया सोरेन्टो हाइब्रिड ७–सिट क्षमताको रहेको छ ।

NLIC

१.६ लिटरको टिजिडिआई टर्बो पेट्रोल इन्जिन र ४४.२ किलोवाट इलेक्ट्रो म्याग्नेटिक मोटरले १.४९ किलोवाट आवर ब्याट्रीद्वारा सञ्चालित सोरेन्टो कुनै पनि भूभागमा पुग्न सक्ने ठूलो एसयुभी मात्र नभएर सफा र हरियाली भविष्यको लागि एउटा विकल्प रहेको कम्पनीले बताएको छ ।

यसमा ७ वटा एयरब्याग, लेन किपिङ सिस्टम, इलेक्ट्रोनिक स्ट्याबिलिटी कन्ट्रोल, ट्र्याक्सन कन्ट्रोल सिस्टम, स्मार्ट क्रुज कन्ट्रोल, लेन किपिङ सिस्टम, सराउन्ड भ्यू मोनिटर, लेन फलोइङ असिस्ट र अन्य धेरै सुरक्षा सुविधाहरू रहेको छ । यसमा १२.३ इन्चको अल–डिजिटल इन्स्ट्रुमेन्ट क्लस्टर रहेको छ ।

Citizenslife

मुड ल्याम्प, हेड अप डिस्प्ले, भेन्टिलेटेड इलेक्ट्रिक सिटहरू सोरेन्टोलाई विलासी एसयुभीमध्ये एक बनाउने केही विशेषताहरू हुन् । सोरेन्टो हाइब्रिड को मूल्य १ करोड ६९ लाख ९० हजार तोकिएको छ । नेपाली बजारमा यो रनवे रेड, ग्रेभिटी ब्लु, स्नो ह्वाइट पर्ल, अरोरा ब्ल्याक पर्ल र स्टिल ग्रे गरी पाँच फरक कलर भेरियन्टमा यो गाडी उपलब्ध छ ।

प्रतिक्रिया दिनुहोस्

CIVIL