Logo

अहिलेसम्मकै सबैभन्दा ठूलो आइपीओ बिक्री खुला, कति कित्ताका लागि आवेदन दिन उपयुक्त ?

अहिलेसम्मकै सबैभन्दा ठूलो आइपीओ बिक्री खुला, कति कित्ताका लागि आवेदन दिन उपयुक्त ?



काठमाडौं । नेपालको इतिहासमा अहिलेसम्मकै सबैभन्दा ठूलो आइपीओ बिक्री आजदेखि खुला भएको छ ।

नेपाल इन्फ्रास्ट्रक्चर बैंकले आज शुक्रवारदेखि सर्वसाधारणका लागि नेपालको इतिहासमा सबैभन्दा ठूलो ८ अर्ब रुपैयाँ बराबरको ८ करोड कित्ता आइपीओ जारी गरेको हो ।

निष्कासन गर्न लागिएको कुल शेयरमध्ये ०.२० प्रतिशत अर्थात् १ लाख ६० हजार कित्ता शेयर कर्मचारीहरुका लागि र ५ प्रतिशत अर्थात् ४० लाख कित्ता शेयर सामूहिक लगानी कोषका लागि छुट्टाइएको छ भने बाँकी ७ करोड ५८ लाख ४० हजार कित्ता शेयरका लागि सर्वसाधारणले आवेदन दिने सक्नेछन् ।

आज कार्यालय समयबाट खुल्ला हुने आइपीओ छिटोमा माघ ६ गते बन्द हुनेछ । तर त्यस अवधिभित्र पनि पूर्ण आवेदन नपरे माघ १६ गतेसम्म निष्काशन अवधि थपिनेछ ।बैंकको आईपीओमा न्यूनतम १० कित्तादेखि अधिकतम २ करोड कित्तासम्मको लागि आवेदन दिन सकिनेछ ।

नेपाल धितोपत्र बोर्डबाट अनुमति प्राप्त आश्वा सदस्य बैंक तथा वित्तीय संस्थाहरू र मेरोशेयरको वेब तथा एप मार्फत पनि कम्पनीको आईपीओमा आवेदन दिन सकिने व्यवस्था छ ।

पछिल्ला आइपीओहरुमा आवेदनको आधारमा यो आइपीओमा न्यूनतम ५० देखि १ सय कित्ताका लागि आवेदन दिन उपयुक्त हुने शेयर विश्लेषकहरुले बताएका छन् ।

प्रतिक्रिया दिनुहोस्
MBL