काठमाडौं । महालक्ष्मी विकास बैंकले ४ लाख रुपैयाँ बराबरको राहत सामग्री महानगरीय प्रहरी कार्यालय रानीपोखरीलाई हस्तान्तरण गरेको छ ।
बैंकले आफ्नो सामाजिक उत्तरदायित्व अन्तरगत दैनिक ज्याला मजदुरी गरेर जीविकोपार्जन गर्दै आएका श्रमीकहरुका लागि प्रहरीलाई राहत स्वरुप उक्त खाध्य सामग्री हस्तान्तरण गरेको हो ।
बैंकका प्रमुख कार्यकारी अधिकृत कृष्णराज लामिछानेले प्रहरी नायव महानिरिक्षक विश्वराज पोखरेललाई एक कार्यक्रकाबीच हस्तान्तरण गरेका हुन । बैंकले प्रदान गरेको उक्त सहयोगले देशको असहज परिस्थितिमा श्रमीकहरुलाई जीवनयापन गर्न मद्दत पुग्ने बैंकको विश्वास रहेको छ ।