काठमाडौं । एनआईसी एशिया बैंकले नेपाल एपीएफ क्लबका खेलाडीहरुलाई नगद पुरस्कार हस्तान्तरण गरेको छ ।
बैंकले आफ्नो संस्थागत सामाजिक उत्तरदायित्व अन्तरगत सशस्त्र प्रहरीको १९ औं स्थापना दिवसको अवसरमा क्लबका १३ औं दक्षिण एशियाली खेलकुद प्रतियोगिता २०७६ मा सहभागी भई विभिन्न विधाका पदक विजेता खेलाडीहरुलाई नगद पुरस्कार स्वरुप ९ लाख ९५ हजार रुपैयाँ रकमको चेक प्रदान गरेको हो ।
बैंकका सहायक प्रमुख कार्यकारी अधिकृत सन्तोष कुमार राठीले क्लबका अध्यक्ष सशस्त्र प्रहरी उपरीक्षक तुलसी राम दाहाललाई उक्त रकमको चेक हस्तान्तरण गरेको हो । बैंकले ३१३ शाखा, ४३० एटिएम, १०४ एक्सटेन्सन काउण्टर एवं ४७ शाखारहित बैंकिङमार्फत सेवा प्रदान गर्दै आईरहेको छ ।
