काठमाडौं । सनराइज बैंकले आफ्ना लगानीकर्तालाई ७ प्रतिशत लाभांस दिने भएको छ । बैंकका संचालक समितिका अध्यक्ष मोतीलाल दुगडको सभापतित्वमा बसेको बैंकको १४ औं बार्षिक साधारण सभाले उक्त लाभांस वितरण गर्ने प्रस्ताव पारित गरेको हो । बैंककोे चुक्ता पूँजीको ६ दशमलव ६५ प्रतिशतका दरले हुन आउने रकम ६३ करोड ९ लाख ४८ हजार ३ सय ९ रुपैयाँ बराबरको बोनस सेयर र बोनस सेयरमा लाग्ने कर प्रयोजनको लागि चुक्ता पूँजीको ० दशमलव ३५ प्रतिशतका दरले हुन आउने रकम ३ करोड ३२ लाख ७ हजार ८ सय ५ रुपैयाँ वितरण गर्ने प्रस्ताव पारित गरेको हो ।
प्रतिष्ठित व्यावसायिक घरानाहरु संस्थापक तथा कुशल व्यवस्थापक रहेको यस बंैक मिति २०६४ साल आश्विन २५ मा स्थापना भएको हो । बैंकको हाल चुक्ता पूँजी ९ अर्ब ४८ करोड रुपैयाँ रहेकोमा लाभांस वितरणपछि बैंकको चुक्तापुँजी १० अर्ब ११ करोड पुग्ने भएको छ । साथै सनराइज बैंक लि. र अन्य उपयुक्त बैंक वा वित्तीय संस्थाहरु एक आपसमा गाभ्ने वा गाभिने वा प्राप्ति गर्न गराउन वा उपयुक्त देखिएको अवस्थामा वा वैदेशिक रणनीतिक साझेदारीमा जानका लागि चल अचल सम्पत्ती तथा दायित्व र कारोबारको मूल्याङ्कन गर्न तथा गाभ्ने वा गाभिने तथा प्राप्ति गर्ने सम्बन्धीको प्रारम्भिक तथा अन्तिम सम्झौता गर्न र सो पक्रिया पूरा गर्न आवश्यक पर्ने सम्पूर्ण कार्य गर्नका लागि संचालक समितिलाई अख्तियारी प्रदान गर्ने प्रस्ताव पारित गरेको छ ।
देशको विभिन्न क्षेत्रमा छरिएर रहेका सर्वसाधारण वर्ग, कृषिजन्य उद्योग, साना तथा मझौला उद्योग, जलविद्युत आयोजना, व्यापार व्यवसायमा संलग्न व्यापरिक घराना समेतलाई बैंकको सेवामा आवद्ध एवं समाहित गर्दै सर्वसुलभ तवरले बैंकिङ सेवाको पहुँच पु¥याउने उद्देश्यलाई निरन्तरता दिदैं यस बैकले हाल १३९ वटा शाखा, ८३ वटा शाखारहित बैंकिङ सेवा, १२ वटा एक्सटेन्सन काउण्टर, १५७ वटा ए.टि.एम मार्फत् आफ्ना ८ लाखभन्दा बढी ग्राहकहरुलाई सेवा प्रदान गर्र्दै आइरहेको छ ।¬
