Logo

सहकारी संस्थामध्ये सवैभन्दा बढी आयकर तिर्ने आइएमई को-अपरेटिभ, सरकारबाट सम्मानित

सहकारी संस्थामध्ये सवैभन्दा बढी आयकर तिर्ने आइएमई को-अपरेटिभ, सरकारबाट सम्मानित



काठमाडौं । आइएमई को–अपरेटिभ सर्भिस लिमिटेड आर्थिक वर्ष २०७६र०७७ मा नेपालका प्रारम्भिक सहकारी संस्थाहरू मध्ये सवैभन्दा बढी आयकर दाखिल गरेकोमा सम्मानित भएको छ ।

सहकारी विभागले ६४औँ सहकारी दिवसका अवसरमा आयोजित एक विशेष कार्यक्रमका वीच आइएमई को–अपरेटिभलाई उक्त सम्मान प्रदान गरेको हो ।

भूमि व्यवस्था सहकारी तथा गरिबी निवारण मन्त्री डा। शिवमाया तुम्बाहाङ्फेले संस्थाकोतर्फबाट अध्यक्ष योगेश्वर शर्मा ढकाललाई उक्त सम्मान प्रदान गरिन् । सम्मान ग्रहण कार्यक्रममा आइएमई को–अपरेटिभका प्रमुख कार्यकारी अधिकृत अर्जुन शर्मा पौडेल एवम् बोर्ड सचिव सागर ढकालको उपस्थिती रहेको थियो ।

सम्मान ग्रहणपछि संक्षिप्त मन्तव्य दिँदै अध्यक्ष ढकालले सरकारले सहकारीलाई आर्थिक क्षेत्रको एक मुख्य आधार स्तम्भको रुपमा स्वीकार गर्दै आइरहेको सन्दर्भमा आफ्नो संस्थाले कर मार्फत समग्र सहकारी उद्योगमै सबैभन्दा बढी आयकर दाखिल गरी राज्यलाई सहयोग गर्न पाएकोमा प्रसन्नता व्यक्त गरे ।

संस्थाका सम्पूर्ण सेयरधनी एवम् कर्मचारीहरूलाई यो सफलताको मूख्य श्रेय दिँदै अध्यक्ष ढकालले आगामी दिनमा संस्थाले आफ्नो पहिचानलाई अझै बढाउँदै लैजाने प्रतिवद्धता व्यक्त गरे ।

प्रतिक्रिया दिनुहोस्
MBL