GBIME

आगामी दशकमा पर्यटन क्षेत्रले थप १२ करोड ६० लाख रोजगारी सिर्जना गर्ने, विश्व अर्थतन्त्रमा १४.६ ट्रिलियन डलरको योगदान दिने


बिजखबर संवाददाता
11 May, 2022 10:14 am

tourism and jobs

काठमाडौं । वल्र्ड ट्राभल एण्ड टुरिजम काउन्सिलले हालै एक प्रतिवेदन सार्वजनिक गर्दै आगामी दशकमा १२ करोड ६० लाख रोजगारी सिर्जना हुने बताएको छ । काउन्सिलले आर्थिक प्रभाव प्रतिवेदन (इआइआर) सार्वजनिक गर्दै एक दशकको अवधिमा पर्यटन क्षेत्रले मात्रै उक्त रोजगारी सिर्जना गर्ने बताएको हो ।

NLIC

यो प्रतिवेदन सार्वजनिक गर्ने काउन्सिलले विश्वभरका निजी पर्यटन व्यवसायीहरुको प्रतिनिधित्व गर्छ । यसले विश्व अर्थतन्त्रमा पर्यटनले पुर्याएको योगदानका बारेमा खोजमुलक सामग्री उपलब्ध गराउने काम गर्छ । हालै सार्वजनिक गरिएको प्रतिवेदनमा परिषदले पर्यटनबाट ३ जनामा एक जनाले नयाँ रोजगारी पाउने बताएको हो ।

फिलिपिन्सको राजधानी मनिलामा आयोजना गरिएको ग्लोबल समिटमा परिषदका अध्यक्ष तथा प्रमुख कार्यकारी अधिकृत जुलिया सिम्पसनले उक्त संख्यामा रोजगारीको सिर्जना हुने अनुमान गरिएको बताएकी हुन् । सम्मेलनमा विश्वभरका पर्यटन क्षेत्रका दिग्गज, प्रमुख कार्यकारी अधिकृत, सरकारका मन्त्रीहरु, ट्राभल एक्सपर्टलगायत १ हजार बढीको उपस्थिति थियो ।

Citizenslife

त्यहाँ सार्वजनिक गरिएको इआइआर प्रतिवेदनमा सन २०२२ देखि २०३२ सम्म पर्यटनको जीडीपी बार्षिक औसतमा ५।८ प्रतिशतले बढ्ने अनुमान गरिएको छ । यस्तै यस अवधिमा विश्व अर्थतन्त्रमा यसको हिस्सा प्रतिबर्ष २.७ प्रतिशतले बढ्दै १४.६ ट्रिलियन डलरको पुग्ने अनुमान गरिएको छ । जुन विश्वभरको कुल गार्हस्थ उत्पादनको ११।३ प्रतिशत हिस्सा हो ।

यस्तै उक्त प्रतिवेदनमा सन २०२३ मै विश्वको पर्यटन व्यवसायको जीडीपी कोभिड पूर्वको जस्तै हुने बताईएको छ । विश्वको जीडीपीमा सन २०२२ मा मात्रै पर्यटन क्षेत्रको वृद्धि ४३ दशमलव ७ प्रतिशतले भई ८.४ट्रिलियन डलरको पुग्ने बताईएको छ । यस्तै सन २०२३ मै यसले प्रदान गर्ने रोजगारीको संख्या पनि २०१९ कै हाराहारीमा पुगिसक्ने बताईएको छ ।

कोरोना महामारीका कारण विश्वभरको पर्यटन क्षेत्र धराशायी भएसँगै यसमार्फत हुने रोजगारी पनि गुमेको थियो । ‘आगामी दशक पर्यटन क्षेत्रले १२६ मिलियन रोजगारी सिर्जना गर्नेछ,’ परिषदकी सिइओ जुलिया सिम्पसनले भनिन्, ‘विश्वभर २०३२ सम्ममा रोजगार मानिसहरु ३ जना मध्ये १ जना पर्यटन क्षेत्रसँग सम्बन्धित हुनेछन ।’

उनले परिषदले सार्वजनिक गरेको प्रतिवेदनले आगामी दशक विश्व अर्थतन्त्र र रोजगारी सिर्जनाका लागि महत्वपूर्ण रहेको बताइन् । गत बर्ष २०२१ मा परिषदले सार्वजनिक गरेको प्रतिवेदनले २०२१ लाई कोरोनापछि पर्यटन क्षेत्र पुनः उदाएको बर्ष मानेको थियो । सन २०२१ मा जीडीपीमा पर्यटन क्षेत्रको योगदान २१.७ प्रतिशतले बढेर ५.८ ट्रिलियन डलरको पुगेको थियो । यस्तै सन २०१९ मा १०.३ प्रतिशत योगदान विश्व जीडीपीमा पर्यटन क्षेत्रको थियो ।

सन २०२० मा यो वृद्धि ५.३ प्रतिशतले घटेर ४.८ ट्रिलियन डलरमात्रै पुगेको थियो । त्यसपछि २०२१ मा विश्व पर्यटन क्षेत्रले आफुले दिने रोजगारी ६.७ प्रतिशतले बढायो । तर, कोरोनाको नयाँ भेरियन्टका रुपमा पुनः ओमिक्रोन भेरियन्ट भेटिएपछि विश्व पर्यटन क्षेत्रमा असर पर्यो, विभिन्न राष्ट्रले पुनः प्रतिवन्धहरु लगाए जसले पुनः यो क्षेत्रलाई नै अप्ठ्यारो पारेको थियो । अनुवाद गरिएको

प्रतिक्रिया दिनुहोस्

CIVIL