काठमाडौं । कोरोना भाइरस (कोभिड–१९) सम्बन्धमा विभिन्न अध्ययनहरु हुँदै आएका छन् । यसैक्रममा पछिल्लो एक अध्धयनले भने अचम्मलाग्दो निष्कर्ष सार्वजनिक गरेको छ । याहुलाइफमा प्रकाशित एक नयाँ अध्ययनका अनुसार कोरोना भाईरसको महामारीको अवस्थामा पुरुषको तुलनामा महिलाहरुले बढी क्रोधित र थकिन सपना देख्ने गरेको पाईएको छ । ड्रिमिङ नामक जर्नलमा सो अनुसन्धानसम्बन्धी विस्तृ अध्ययन सार्वजनिक गरिएको छ ।
अनुसन्धानकर्ताहरुले २ हजार ८ सय ८८ जनामा उनीहरुले कोरोना महामारीमा देखेको सपनाको बारेमा अध्ययन गरेका थिए । सो अध्ययनबाट संकलित तथ्यांकलाई विश्लेषण गरिएको थियो । हार्वर्ड विश्वविद्यालयस्थित मनोविज्ञानका असिटेन्ट प्रोफेसर डिसड्रे ब्यारेट्ले आफ्ना लेखमा महिलाहरुले आफ्नो सपनामा सकारात्मक भन्दा बढी दुखी, थकित र क्रोधित सपना देख्ने गरेको उल्लेख गरेकी छन् ।
यस्तै उनीहरुले आफ्ना सपनामा मृत्यु र जीवविज्ञानसँग सम्बन्धित विभिन्न दुखदायी र पीडादायक सपनाहरु देखेको बताएका छन् । यस्तै पुरुषहरुले भने महामारीभन्दा अगाडिको तुलनामा महामारीमा बढी नकारात्मक सपना देखेको बताएका छन् । तर, त्यस्तो दर भने महिलाहरुभन्दा निकै कम रहेको छ । यस्तै पुरुषहरुले कोरोनाको महामारीमा पहिलेभन्दा बढी रिसालु, दुखित, शारिरिक बनावटलगायतका सपना नदेखेको ब्यारेट बताउँछिन ।
यस्तै महामारीको अवस्थामा मृत्युसँग सम्बन्धित सपना भने महिला र पुरुषमा बराबर मात्रामा देखिएको पाईएको छ । तर महामारीको अगाडिको तुलनामा महामारीको बेलामा यस्तो सपना ३ गुणाले बढेको बताईएको छ । तर महिलाले हरर, सिन, मर्डरलगायतका सपना बढी देखेको अध्धयन प्रतिवेदनमा उल्लेख छ ।
यस्तै महिलाहरु सपनासँगै घरेलु हिंसाबाट पनि महामारीको अवस्थामा बढी पीडतत भएको अध्ययनमा उल्लेख छ । तर, प्राय महिलाले भने रिसाएको र थकित सपना बढी देख्ने गरेको अध्ययनमा उल्लेख छ ।
सपनामा हुने अनियन्त्रणलाई कसरी रोक्ने ?
एक अध्ययनकर्ताका अनुसार हाम्रो सुताईको अवस्थाले धेरै विषयमा असर पार्छ । जसमध्ये एउटा सबैभन्दा ठूलो समस्या भनेकै सुत्ने समयको ख्याल नगर्नु हो । जसअनुसार मानिसले सुत्ने समय जहिल्यै एउटै हुनुपर्दछ । यस्तै सँधै उठ्ने बेलामा स्ट्रेस रिडक्सन प्रक्रिया अपनाउँदासमेत सपनामा डिस्टर्व नहुने अनुसन्धाता बताउँछन् ।
