बिजखबर संवाददाता
७ माघ, काठमाडौं । इटालीले नेपालमा भिसा आवेदन केन्द्र स्थापना गरेको छ । इटालीको कलकत्तास्थित महावाणिज्य दूताबासले आफ्नो आउसोर्सिङ एजेन्सी भीएफएसका साथ काठमाडौंमा सो केन्द्र स्थापना गरेको हो ।
केन्द्रको बुधवार एक कार्यक्रमबीच इटालीका महावाणिज्यदुत सिजर बेइलर र भीएफएसका प्रमुख अतुल मरवाहले संयुक्त रुपमा उद्दघाटन गरे । सो केन्द्रबाट आवेदकले इटाली तथा युरोप भ्रमणका लागि अनुमति लिन सक्छन् । इटाली जान चाहने तथा इटाली हुँदै अन्य देश जान चाहनेहरुले सो केन्दमार्फत आवेदन दिन सक्नेछन् ।
सो केन्द्रले नेपालमा रहेका अन्य ट्राभल एजेन्सीको भीसा पत्र समेत स्वीकार गर्नेछ । तर प्राप्त सबै आवेदन भने कोलकत्तास्थित महावाणिज्य दुतावासले पुनः मूल्यांकन गर्ने तथा भिसाको प्रक्रिया अगाडी बढाउने बताएइएको छ । आवेदकहरुको सेवालाई मध्यनजर गर्दै दैनिक ८ घण्टासम्म सेवा दिइने जानकारी दिएको छ । भीएफएस ग्लोवलले २००४ देखि सेवा प्रदान गर्दै आएकोमा हाल २५ देशमा ४६ भिसा एप्लिकेशन सेन्टर स्थापना गरिसकेको छ ।
