काठमाडौं । भाद्र २३ गतेपछि देशभर भएका प्रदर्शनका क्रममा नेपाल प्रहरीका विभिन्न कार्यालय, इकाई र कारागारहरूमा तोडफोड तथा आगजनी भएपछि कैदीबन्दी र हिरासतमा रहेका अभियुक्तहरू फरार भएका छन् ।
नेपाल प्रहरीले बुधबार सूचना जारी गर्दै फरार भएका अभियुक्त र कैदीबन्दीलाई सम्बन्धित जिल्ला प्रहरी कार्यालय, स्थानीय प्रहरी इकाई वा अन्य सुरक्षा निकायका कार्यालयमा शीघ्र सम्पर्क गरी आत्मसमर्पण गर्न आग्रह गरेको छ ।
प्रहरीले यथाशीघ्र सम्पर्कमा आउन नसके कानूनी कारबाही हुने चेतावनीसमेत दिएको छ ।
