काठमाडौं । राष्ट्रपति रामचन्द्र पौडेलले देशको विषम परिस्थितिमा संवैधानिक दायराभित्र रहेर निकास खोज्न सबै पक्षलाई अपिल गरेका छन् ।
बुधबार जारी वक्तव्यमा उनले लोकतन्त्रको संरक्षण र शान्ति–सुव्यवस्था कायम गर्न निरन्तर विचार–विमर्श र प्रयास भइरहेको बताएका छन् ।
राष्ट्रपति पौडेलले आन्दोलनकारी नागरिकहरूको माग सम्बोधन गर्न छिटोभन्दा छिटो समस्याको समाधानतर्फ सरकार लागिपरेको विश्वास दिलाए । उनले संयमित रहँदै मुलुकमा शान्ति र स्थिरता कायम गर्ने काममा सबै पक्षको सहयोग अपरिहार्य रहेको उल्लेख गरेका छन् ।
