काठमाडौं । सत्तारुढ नेपाली कांग्रेसले आर्थिक वर्ष २०८२/८३ को बजेट संसदबाट पारित गराउन आफ्ना सांसदहरूलाई अनिवार्य उपस्थिति र समर्थन सुनिश्चित गर्न ह्विप जारी गरेको छ।
सोमबार कांग्रेस संसदीय दलका प्रमुख सचेतक श्यामकुमार घिमिरेले ह्विप जारी गर्दै मंगलबारको बैठकमा सबै सांसदहरूलाई अनिवार्य रूपमा उपस्थित हुन, तटस्थ नरहन र बजेटको पक्षमा मतदान गर्न निर्देशन दिएका हुन्।
सरकारले भोलिको बैठकमा बजेट पास गर्ने अन्तिम तयारी गरिरहेको छ। संसद्मा स्पष्ट बहुमत रहेको सत्तारुढ गठबन्धनले बजेट सजिलै पारित हुने अपेक्षा गरेको छ।
