SCT


GBIME

एक वर्षमा १७४२ कामदारको ६५ करोड ७१ लाख ठगी, ४१५ जनाले पाए ३१ करोड ७९ लाख क्षतिपूर्ति


बिजखबर संवाददाता
18 July, 2022 8:39 am

baideshik rojgar bivagh

काठमाडौं । आर्थिक वर्ष २०७८।७९ मा १ हजार ७४२ जना कामदार ठगिएका छन् । म्यानपावर कम्पनी र व्यक्तिगत रुपमा वैदैशिक रोगारीमा पठाईदिने एजेन्टले कामदारसँग ६५ करोड ७१ लाख रुपैयाँ ठगेका हुन् । वैदेशिक रोजगार विभागको तथ्यांकअनुसार अघिल्लो आर्थिक वर्षको भन्दा गत आवमा कामदार ठगिनेक्रम रकमको तुलनमा आधाले घटेपनि संख्याको आधारमा भने उल्लेखनीय बढेको छ ।

NLIC
Lamxi_bank

तथ्यांक अनुसार रकमको आधारमा आर्थिक वर्ष २०७७।७८ तुलनामा २०७८।७९ मा आधाभन्दा बढीले घटेको छ । अघिल्लो आबमा वैदेशिक रोजगारीमा जाने कामदारहरुको संस्थागत र व्यक्तिगत गरी १ अर्ब ३१ करोड ५४ लाख ठगी भएकोमा गत आबमा त्यसमा सुधार हुँदै ६५ करोड ७१ लाख रुपैयाँ मात्रै ठगी भएको छ । तर संख्यात्मक रुपमा हेर्दा अघिल्लो आबमा ७८० जना कामदार गठएिकोमा गत आबमा १ हजार ७४२ जना कामदार ठगिन पुगेका छन् ।

यसैगरी गत वर्षमा ४१५ कामदारले क्षतिपूर्ति पाएका छन् । उनीहरुले मिलापत्र र म्यानपावर कम्पनीको धरौटी रकमबाट गरी ३१ करोड ७९ लाख रुपैया क्षतिपूर्ति पाएका हुन् । सो अबधिमा वैदेशिक रोजगार विभागले २२ करोड ६८ लाख विगो दावी सहित अदालतमा मुद्दा दायर गरेको छ ।

प्रतिक्रिया दिनुहोस्

CIVIL
NCHL