काठमाडौं ।जुत्ता चप्पल तथा छालाजन्य वस्तुको १४ औं राष्ट्रिय औद्योगिक प्रदर्शनी बिहीबारदेखि शुरु भएको छ ।
काठमाडौंको भृकुटीमण्डपमा शुरु भएको प्रदर्शनीको अर्थमन्त्री ज्ञानेन्द्रबहादुर कार्कीले उद्दघाटन गरे । सो अवससरमा अर्थमन्त्री कार्कीले देशको तिव्र बिकाशका लागि नेपाली औद्योगिक क्षेत्र आत्मनिर्भर हुनुपर्ने बताए । साथै यस्ता उद्योगमा सरकारको पूर्ण साथ र सहयोग रहने जानकारी दिए ।
कार्यक्रममा आयोजक फुटवेयर म्यानुफ्याक्चरर्स एशोसिएशन अफ नेपालका अध्यक्ष रविनकुमार श्रेष्ठले स्वदेशी उत्पादनलाई प्रबद्र्धन गर्न विभिन्न किसिमका ट्रेनिङ इयिन्स्टच्युट सञ्चालन गर्नुपर्ने बताए ।
साथै सो अवसरमा उनले फुटवेयर जोन स्थापना गर्न लागेको र त्यसका सरकारले स्थापना गर्न लागेको र त्यसका सरकारको सहयोग रहनेबारे जानकारी दिए ।
कार्यक्रममा उद्योग वाणिज्य महासंघका वरिष्ठ उपाध्यक्ष, शेखर गोल्छा, हस्तकला महासंघका अध्यक्ष धमरत्न शाक्य एवंम फुटवेयर म्यानुफ्याक्चरर्स एसोसिएसनका पदाधिकारिहरुलगायतको उपस्थिती थियो ।
एक्स्पो ६ दिनसम्म चल्ने छ । एक्स्पोमा १३५ ओटा जुत्ता चप्पल तथा छालाजन्य उत्पादनका स्टल रहेका छन् । प्रदर्शनीमा १५ प्रतिशतसम्मको छुटमा जुत्ता चप्पल उपलब्ध गराइएको छ । मेलाको प्रमुख आकर्षणमा अपांगमैत्री जुत्ताहरु रहने आयोजकले जानकारी दिएको छ ।
यसपटक प्रदर्शनीलाई विक्रीमा लागि भन्दा पनि नयाँ डिजाइन सार्वजनिक गर्न लक्षित गरिएको छ ।
मेलाको १ लाख भन्दा बढीले अवलोकन गर्ने अपेक्षा आयोजकको छ । मेलामा उत्कृष्ट पेभिलियज सजावट गर्ने प्रायोजकहरुमध्य एक छानिने छ ।
