काठमाडौँ । सामसङले नेपाली बजारमा ग्यालेक्सी एम१४ एलटीई ल्याउने भएको छ । यसमा ५० एमपी ट्रिपल क्यामरा, ५००० एमएएच ब्याट्री, अत्याधुनिक अक्टा–कोर प्रोसेसरलगायत सुविधाहरू रहेका छन् ।
यस मोबाइलमा कम प्रकाशको फोटोग्राफीको लागि एफ१.८ लेन्ससहितको ५० एमपी ट्रिपल क्यामेरा रहेको । यसमा १३ एमपी फ्रन्ट क्यामरा पनि छ ।
यसमा ५००० एमएच ब्याट्री र २३ वाट द्रुत चार्जिङ पाउन सकिन्छ । त्यस्तै यसमा क्वालकम स्नापड्रागन ६८० अक्टा–कोर प्रोसेसर रहेको कम्पनीको भनाई छ ।
यस बाहेक, ग्यालेक्सी एम१४ एलटीई ले ६ जीबीसम्मको र्याम प्रदान गर्दछ र यसको र्याम प्लस सुविधाले थप ६ जीबी भर्चुअल र्याम प्रदान गर्दछ ।
ग्यालेक्सी एम१४ एलटीई दुई आकर्षक रङ्गहरूमा आउँछः निलो र गाढा निलो । यो ४/६४ जीबी संस्करणको लागि १६ हजार ९९९ र ६/१२८ जीबी संस्करणको लागि २१ हजार ९९९ को मूल्य निर्धारण गरिएको छ । यो मोडेल १८ मे २०२४ बाट सुरु हुँदै देशभरका सबै रिटेल आउटलेटहरूमा सजिलै उपलब्ध हुनेछ ।
सबै अधिकृत सामसङ इन्स्टा फाइनान्स स्टोरहरूमा उपलब्ध इन्स्टा फाइनान्स सेवाको साथमा उपभोक्ताहरूले पनि सजिलैसँग उपकरण प्राप्त गर्न सक्छन् । यो सेवामा शून्य प्रतिशत ब्याज दरका साथ झन्झट मुक्त ईएमआई सेवाहरू र सजिलो प्रक्रिया समावेश छ । जसले तपाईंलाई तपाईंको मनपर्ने उपकरण तपाईंको हातमा एक घण्टा भित्र प्राप्त गराउँछ ।
सेवालाई अझ सरल बनाउँदै अहिले उपभोक्ताहरूले सहज रूपमा मात्र आफ्नो नागरिकताको साथ उपकरण प्राप्त गर्न सक्छन् । इन्स्टा फाइनान्सको यो सेवा २० हजारभन्दा माथिका मोबाइलहरूमा नेपालभर उपलब्ध छ ।
